Psîkolog Fahrîye: Qanûnê ke hêrişê cinsî meşrû kenê vejenê 

2020-09-08 16:10:05


	 

	 

	 

	WAN - Psîkolog Fahrîye Cengîne dîyar kerd ke ganî Tirkîya hemverê hêrişê cinsî bi hawayêko komelî têkoşîn bikero û vta, îqtîdar qanûnê ke domanan emro qij de zewicneno vejeno û hêrişê cinsî meşrû keno.

	 

	Tirkîya de her ke şono hêrişê cinsî hemverê domanan zêde beno û hedîseyê tecawuzê zêde beno. Verê nê de qerarê hukmî, vatişî atmosferê sîyasî de yenê vatene, polîtîkayê ke yenê kerdene û sewbîna kitaban û çapemenî de zî hêrişê cinsî yenê meşrûkerdene. Psîkolog Fahrîye Cengîz polîtîkayê ke hêrişê cinsî hemverê domanan meşrû keno û tesîrê serê doman û komelî de ercna.

	 

	'Tesîrê serê her hetê komelî de keno' 

	 

	Fahrîye dewam de wina vat: "Dewayê îstîsmarî yê verê ke bi netîce bibê, serê tedayê rêxistinê cinîyan bi netîce bî." Fahrîye nuştoxê kitabê seba domanan ke bi nameyê ‘Duşun ve Gul’ yê Musa Dînçî zî ard vîr û wina vat: "Ganî no zî bêro vîrardene. Na babetêka ke tesîrê serê heme hetê komelî de kena ya. Kitabê domanan bi nameyê serê ‘ez huner kena' yenê weşanayene û na zî babetêka zaf girîng a. No ne warê huqûq, ne psîkolojîk ne zî bi hetê komelî bêro destgirewtene."

	 

	'Babeta esas çareserkerdişê hêrişê cinsî yo' 

	 

	Fahrîye dewam de wina qalî kerde: "Îqtîdar qanûno ke zewacê domanan meşrû keno vejeno û hêrişê cinsî sey çîyêko normal bo awan kenê. Tirkîya de kesê ke bawerîyê cîya, kulturê cîya ciwîyenê estê. Lîderê ke her het ra kesan temsîl kerdêne, verê dewaya hêrişê cinsî serê domanan ra ameyî xelaskerdene û bêceza ameyî verdayene. No zî ewnîyayîşê hêrişê cinsî sûc nîyo ard. Bêguman prosesê peyîn de çîyê ke yenê ciwîyene zî netîceyê nê yê."

	 

	'Mekanîzmayo ke meşrû vîneno esto'

	 

	Fahrîye dîyar kerd ke keyeyî heta ke kitab nêwanê wa bi domananê xo nêdê wendene û vat: "Nê tena kitabê ke ma ci ra xeberdar ê. No zî ramojneno ke hîna çîyê ke ma nêzanê estê. Ma zanê ke hîn mekanîzma zî nê çîyan meşrû vînenê."