
Sûcê 'ferzkerdişê întîxarî' ra hema îfadeyê Musa Orhanî nêameyo girewtene 

2020-09-07 15:49:51


	&nbsp;

	ÊLIH - Avûkatê Îpek Era ke bi tecawuzê Musa Orhanî dir rî bi rî ameye û dimara întîxar kerde, Devran Yildizî zanayîş da ke demê ameyox de beno ke muracatê dadgehî bikerê. Sewbîna Devranî vat, hema zî sûcê ‘ferzkerdişê întîxarî’ dewa gumanbarî rê nêameya akerdene.

	&nbsp;

	Îpek Era 18 serrî ke bi tecawuzê çawîşo Pîsporî Musa Orhanî reyde rî bi rî ameye, întîxar kerde. Serê reaksîyonê raya umumî dir gumanbar ame tepiştene la hewteyêk ra dima serbest ame veradayene. Avûkatê dewa Devran Yildizî derheqê babete de ercnayîş kerd û vat, Musa Orhan bi talîmat serbest ameyo veradayene.

	&nbsp;

	'Musa Orhan bi hêzê raya umumî ame tepiştene'

	&nbsp;

	Devranî dîyar kerd ke Musa Orhan serê reaksîyonê medyaya komelî de ame tepiştene û vat: "Serbest verdayîşê Musa Orhanî ramojneno ke mercîyê edaletî cidî nîyo. Dadgehe roja ewil de qerarê xo daya. Musa Orhanî tena bi hêzê raya umumî ame tepiştene. Nê qerarî de mercîyê selahîyetdaran, &nbsp;wezaretê karê zereyî zî bi tesîr o. Na rewşe hemverê huqûqî yo. Seba hêzê çekdarî newe ra prestîj qezenc bikero û metod yenê ceribnayîş."

	&nbsp;

	'Beno ke ma muracatê redê dadgeh û dadgerî bidê'

	&nbsp;

	Devranî dewam de wina vat: "Musa Orhan, netîceyê talîmatan de ame veradayene. demê ameyox de beno ke &nbsp;ma muracatê redê dadgeh yan zî dadgerî bidê. Seba ke qerarê serbest veradayene dadgehe qetî yo û rayîrê îtîrazî girewte yo. La ma waşt ke bêro tepiştene. Dimayê ke Îpek Era ke dinyaya xo bedilna, ma muracatê serdozgerîya komara ya Êlihî kerd û ma waştiş kerd ke sûcê ferzkerdişê întîxarî bêro muhakemekerdene û tepiştene. Dozgerî vat, do qerarê bêrayebîyayîşî bidê û vatî, dewrê Misircî kerdê. Ma derheqê tepiştişî de her hewte muracat reyna bikerê."

	&nbsp;

	'Yewin sebebê lêşinîya zanayîşan pawitişê leşkerî yo'

	&nbsp;

	Devranî tewr peyîn wina vat: "La ma do destûr nêdê nê lêşinîyan. Yewin sebeb oyo ke leşker bêro pawitene. Roniştişê 16ê teşrîna verêne de Yewin Dadgeha Cezaya Giran ya Sêrtî de yeno vînayene. Ma veng danê heme kesan ke beşdarê roniştişî bibê."

	&nbsp;