
'Hêrişê hemverê karkerê Kurdan netîceyê vatişê sîyasetmedaran o' 

2020-09-07 13:37:37


	&nbsp;

	Gulîstan Azak

	&nbsp;

	STENBOL - Temsîlkara sereka Komeleya Yewîya Karkeran Seçîl Sariye dîyar kerd ke karkerê kurdî Sakarya de hêrişan dir ameyê rî bi rî, netîceyê vatişê sîyastmedaran o û vengdayîşê yewîye, paştdayîş û têkoşînî kerd.

	&nbsp;

	Keyeyê kurdî yê ke qezaya Şemrexî ya Mêrdînî de seba arêdayîşê findikan şî qezaya Ortakoyî ya Sakarya û 4ê êlûle de rastê hêrişê nîjadperestî wayîrê kar û dewijan ameyî. Dimayê hêrişî karkerî ageyrayî şaristanê xo û walîtîya Sakarya zî îzahato ke pare kerd de hêriş sey zûr ramojna û îdia kerdib ke ‘pêrodayîşê ke vejîyayo, mabêne wayîrê baxçeyan de vejîyayo.' La karkerê kurdî dimayê demêko hêrişî paştrast kerdî.

	&nbsp;

	Walîtîye îzahat de dîyar kerd 5ê êlûle de dîyar kerd ke derheqê hêrişî de 3 kesî ameyî destbendkerdene.

	&nbsp;

	Temsîlkara Komeleya Yewîya Karkeran Seçîl Sariye zî hêrişê nîjadperestî yê Sakaryayî hemverê karkerê kurdan de ameyo kerdene ercna.

	&nbsp;

	'Çîyê ke ameyê ciwîyayîş girêdayê vatişê sîyasetmedaran ê'

	&nbsp;

	Seçîlê dîyar kerd ke hêrişê nîjadperestî yê hemverê karkerê kurdî, bi aktîvbîyayîşê çapemenîya komelî ameyo vînayene û vat, xeylê nimûneyê hêrişê nîjadperestî estê û wina vat: "Çîyê ke ameyê ciwîyayîş, netîceyê vatişê sîyasetmedaran o. Çîyê ke ameyê ciwîyayîş, ramojneno ke vatişê selahîyetdarê sîyasî yê bajarê Kurdan de mîtîngan de vanê, ‘Wayê û birayê ma yê Kurdî’ samîmî nîyê. Eke ewro merdimî yewbînan ra vanê, ‘Kurd –Tirk’ û hêrişê yewbînan kenê, no zî semedê sebebê vatişê sîyasetmedaran o. Welat de asayîşê canê karkerê Kurdan çin o. Çi heyf, ê cinîyan zî çin o. Karkerê cinî her ca de rastê şîdetî yenê. Keda înan yena îhlalkerdene. Coka zî ganî tu vatişê sîyasetmedaran her tewir şîdetî ra dûr bo û nêro ercnayene."

	&nbsp;

	Vengdayîşê 'têkoşîn û paştdayîşî'

	&nbsp;

	Seçîle bale ant serê îzahatê Walîtî û parlamenterê AKPyî yê Sakaryayî Alî Îhsan Yavuzî ke derheqê babete de qisey kerdibî û wina vat: "Ma hemverê nê îzahetan de mat nêmanenê. Bi vatişê xo hewl danê ke hêrişan binimnê. Serê nê herran de hêrişî estê û ganî bêrê çareserkerdene. Hukmat berpirsîyar o. Hemverê hêrişê karkeran de ganî têkoşîn, yewîye û paştdayîş bibo."

	&nbsp;

	&nbsp;

	&nbsp;