Dayîkê Aştîye: Ma tena dewaya aştî û têduştî kenê  

2020-09-02 14:57:31


	 

	AMED - Bi minasebetê 1ê Êlule de endamê Înîsiyatîfê Dayîkê Aştîye qisey kerd û va: “Ma bi serran o pey aştîye de yê. Ca nêmendo ke ma aştîye veng nêda. Pêro hesrê çimê dayîkan sey yewbînan ê. Wa êdî aştîyêk bêro û zerrîya dayîkan nêveşo.”

	 

	Înîsîyatîfê Dayîkê Aştîye ke roja awankerdişê reyde heta ewro semedê caardişê aştîye mucadele kenê. Labelê pêwa nê mucadeleyê aştîyêk mende heta nika bi ca nêardî. Bi minasebetê 1ê Êlule Roja Aştîye ya Dinya Înîsîyatîfê Dayîkê Aştîye qisey kerdî.

	 

	‘Wa êdî gonî nêrişîyo’

	 

	Endama Meclîsê Dayîkê Aştîye Şahîde Hayme, dîyar kerd ke wa êdî gonî bidê vindarnê û vat: “Ma Dayîkê Aştîye bi çend serrî yo semedê aştî bêro mucadele ma kerdêne. Bes o êdî ke kezebê dayîkan wa nêveşo. La reyna zî dewleta tirkî her wext bi teyarayê xo hêrişan kena. Gama ke şer çinî bo feqîrî û belengazî nêmaneno. Ewro Tirkîya kewta zor û zehmetîyêk ke û verê çiman de ya. Semedê nê êdî lazimî bi aştî esta. Ma sey Dayîkê Aştîye 1ê Êlule Roja Aştîye ya Dinya pêro şarê ma rê pîroz kenê.”

	 

	‘Ma tena dewaya aştî û têduştî kenê’

	 

	Endama Meclîsê Dayîkê Aştîye Nazîme Yureke zî wina vat: “Bi serran o serê ma de bindestî esta. Ma dewaya aştî û têduştî kenê. Heqê ziwan û welatê ma zî esto. La her wext hêrişê ma yê serê kurdan estê. Êdî bes o wa aştî bîyarê nê welatî. Dayîkî zaf guna yê ke her wext zerrîya înan dejena. Aştîye tewr zêde dayîkî wazenê. Ma nêzanê ke domananê ma rê do se bibo. Ma tena bendeyê aştîye yê û cuyêka xoverdayox wazenê.”

	 

	‘Rengê hêsirê çimê dayîkan sey yewbînan o’

	 

	Verfeka Endama Meclîsê Dayîkê Aştîye Havva Kirane zî wina vat: “Bi 20 serrî yo ke dayîkê ma bi emrê xo yê pîl mucadele kenê. Ma sey dayîkê aştîye veng danê pêro dinya û wa êdî na gonî bidê vindarnayîş. Ma do bêrê cayêke çekî estê, uca de vilikan biçînê. Ma hêsrê çimanê dayîkan, hêsrê xo de vînenê. Ê bi hezar serran ceza zî bidê ma û ma bikerê zîndan zî ma dewaya xo ya aştîye de heqdar ê. Ma dayîkê bi çek û sîlehan nîyê ke hêrişê serê ma de kenê. Ewro Tirkîya de qalê demokrasî kenê la dewlete de huqûq nêmendo. Wa aştîyêk mende bêro kerdene.”