
‘Semedê cinîyan do projeyê îstîhdamî bibê’ 

2020-09-02 13:41:24


	&nbsp;

	Şehrîban Abî

	&nbsp;

	AMED - Verfeka Meclîsê Cinîyan ê demo newe ya DTSOyî Seda Berekatoagluye dîyar kerd ke do projeyê bîyaye dewam bikerê û bi taybet semedê cinîyan zî projeyê bi garantî yê îstîhdamî bibê.

	&nbsp;

	Meclîsê Cinîyan ê Odaya Sanayî û Bazirganîya ya Amedî de 2018 ra heta nika xebatan kena. Rojê vîyarte de zî semedê Verfekîya Demî ya Meclîsê Cinîyan Seda Berekatogluye ameye weçînayene. Seda dîyar kerd ke demo newe de bi sloganê, ‘cinîya ke berardiş kena, xurtbîyayîşê Amedî yo’ do dest bi xebatan bikerê û vat, semedê cinîyan plan û bernameyê înan cîya estê û do xebatan lez bikerê.

	&nbsp;

	‘Meclîsê cinîyan ameyî meraqkerdene’

	&nbsp;

	Seda, dîyar kerd ke bi beşdarbîyayîşê cinîyan ê odaya bazirganî dir, ewnîyayîşê cinîyan esas gênê û vat ekonomîye binê tekelê camêrdan de nîya. Seda wina vat: “Ma zanê ke bazirganî tena karê camêrdan nîya. Eke îmkanî seba cinîyan bêrê dayene do çîyê zaf bi erj vejîyê werte. No het ra Meclîsê Cinîyan ê DTSOyî xebatê xo kerdî. No zî bala cinîyan, sazgehan, odayê bazirganî û cinîyê teberê welatî ant û ame pîrozkerdene.”

	&nbsp;

	‘Do nîmeyê 10 hezarî karkeran cinî bê’

	&nbsp;&nbsp;

	Seda dewam de nê çî vatî: “Bi xurtbîyayîşê cinîyan dir do komel zî xurt bo. Do seba cinîyan hîna zaf proje û xebatê ma bibê. 2019 ra heta nika xebatê ma estê. Ma do hema zî xebatê xo zêde bikerê. Semedê vîrusî perwerdeyê ma tay asteng bî. Verê nê de Tesktîlê OSByî estê. No zî îmkanêko pîl o. Semedo ke tesktîlê OSByî de nêzdîyê 10 hezar îstîhdam esto û nîmeyê ci cinîyan ra bêro meydan. Ma do sey meclîs taqîbkerdoxê ci bê.”

	&nbsp;

	‘Hedefê ma awankerdişê ofîsê paştdayîşî yo’

	&nbsp;

	Seda dîyar kerd ke do tena îstîhdam de ney, do şertê xebate de zî taqîbkerdox bê û wina va: “Cinîyê ke xebityenê, waştişê kreşî kenê. Ma plan kenê ke berardişê cinîyan, Keçî Burcuyî de bi destê cinîyan yenê viraştene, biroşê. Ma plan kenê ke odaya Meclîsê Cinîyan ofîs de awan bikerê. Bêguman bernameyê ma dewam kenê. Do projeyê ma yê bi garantî yê îstîhdamî bibê.”

	&nbsp;

	Seda peynî de veng da rêxistinê cinîyê sazgehan û komeleyê cinîyan yê Amedî û va, ê wazenê ke bi pêro rêxistinê cinîyan dir bixebitîyê.

	&nbsp;