Merdimê Vindîbîyayeyan aqûbetê merdimanê xo pers kerdî 

2020-08-29 15:32:52


	 

	AMED - Hewteyê 603 de Merdimê Vindîbîyayeyan aqûbetê Nurettîn Yedîgolî pers kerdî. 

	 

	Merdimê Vindîbîyayeyan û Komeleya Heqê Merdiman (ÎHD) ê Şubeyê Amedî hewteyê 603 de çalakîya, “wa vindîbîyaye bêrê vînayene û kiştoxî bêrê muhakemekerdene.” Serê medyaya komelî de çalakîya xo kerdî. Îdarekara ÎHDyî ya Şubeyê Amedî avûkat Gurbet Yavûze eşkerayîya no hewtî wende û vîrardişê vindîkerdişê Nurettîn Yedîoglî ke 12 nîsana 1981 de Stenbol de bi zor ame destbendkerdene û vindîkerdene qalî kerd.

	 

	Gurbete, dîyar kerd ke Nûrettîn Yedîgolo ke Erzîngan de 12ê nîsana 1981 de ke 27 serre bîyo, sereştişê keyeyêk de ameyo destbendkerdene û a roje ra tu kesî Nûrettînî nêvînayo û zanayîş ci ra nêameyo girewtene. Gurbete vat, destbendkerdiş de îşkenceyo giran Nûrettînî rê ameyo kerdene û mîyanê gonî de mendo. Gurbete dîyar kerd ke pêwa pêro muracatê keyeyî zî bênetîce mendê û Nûrettîn nêameyo vînayene.