
‘Do hemverê tecrîd û şîdetî ma do 1ê Êlule de vejîyê wareyan’ 

2020-08-29 15:11:04


	&nbsp;

	VAN-MÛŞ - Cinîyê Mûş û Wanijî vengdayîşê beşdarbîyayîşê çalakîyê 1ê Êlule Roja Aştîya Dinya kerdî û vatî: “Emsar ma do vera tecrîd, şîdet û kiştişê cinîyan wareyan de vengê xo berz bikerê.”

	&nbsp;

	1ê Êlule Roja Aştîya ya Dinya nêzdî beno. Wan û Mûş de cinîyan derheqê aştîye şîrove kerdî. Cinîyan dîyar kerd ke şero ewil ê seba aştîye, wedaritişê tecrîdê serê Rayberê PKKyî Abdullah Ocalanî û vatî, ganî pêvînayîş bikerê. Cinîyan eynî wextî de dîyar kerd ke şertê ewil a aştîye wedaritişê serê Rayberê PKKyî Abdullah Ocalanî yo, ganî pêvînayîş bêrê destpêkerdene û sewbîna vatî şîdetê serê cinîyan zî peynî bo.

	&nbsp;

	Ayten Kahramane dîyar kerd ke bi serran o aştî serê ziwanê cinîyê kurdan de yê, la tu game nîna eştene û wina vat: “Welat de aştî çin o. Tena zulm û merdiş, tepiştiş yenê ciwîyayîş. Ma yewîye pêro şaran û aştîye wazenê. Tena nê welatî de ney heme dinya de wa şer peynî bo.”

	&nbsp;

	Zubeyde Turunçe zî dîyar kerd ke ganî mergî peynî bi û wina vat: “Gelo do no zulm heta key dewam bikero? Mi xo dî, nêdî şarê Kurdî aştîye wazeno. La tu rey muxatab nêameyî girewtene. Ma hetgirê aştîye yê. Merdiman herra înan ra koçber kerdî, serê nê zî teda dewam kenê. Heta aştî nêro kes keyeyê xo de rehet nêkeno.”

	&nbsp;

	Hemsereka HDPyî Melezgîrî ya Muşî Fatma Ozkane zî dîyar kerd ke ê cinî dinyayêka bê tecawiz û kiştiş wazenê û wina vat: “Ma 1ê Êlule sey cinî û şarê kurd wazenê tecrîdê serê Abdullah Ocalanî peynî bo. Ganî ma hem tecrîd wedarnê û hem zî vera tedayan serê hepsîyan de sere wedarnê. Seba nê ganî ma mucadele bikerê.”

	&nbsp;

	Îdarekara HDPyî Melezgîrî Sema Tekîne zî vat, ê edalet wazenê û vat aştî do maseya ke Abdullah Ocalan bibo bêro.

	&nbsp;