‘Akerdişê rayîrê Heleb û Şehbayî tehlukeyê vîrusî hîna zêde keno’ 2020-08-29 13:57:46   Hesna Mihemed   ŞEHBA - Cinîyê Efrînijî ke Şehbayî de manenê, serê akerdişê rayîrê mabêne Heleb û Şehbayî de, sewbîna tehlukeyê vîrusî ser o şîrove kerdî û vatî: “Rêjîmê Sûrîye bi zanebîyayîş rayîran akeno, seba ke vîrus tewr zêde derbazê herême bibo.”   Bi vilabîyayîşê vîrusê Koronayî dir herême Îdarekarê Xoser, Rejîmê Sûrîye bi zanebîyayîş êdî rayîrê mabêne şaristanê yê herême û rayîrê mabêne şehba Helebî akerde verdenê. Akerdişê rayîran dayeyê vilabîyayîşê vîrûsê koronayî tewr zêde keno. Derheqê babete de cinîyê Efrînijî ke Şehba de manenê, serê akerdişê rayîrê mabêne Heleb û Şehbayî de ke tehlukeyê vilabîyayîşê vîrusê zêde keno de qisey kerdî.   ‘Xemsarî benê sebebê vilabîyayîşê vîrusî’   Endama Heyva Sor a Kurdî Zeyneb Hesene derheqê babete de wina vat: “Bi vejîyayîşê vîrûsî dir, ma serê rayîrî mabêne Heleb- Şehba de merkezê weşîye awan kerdî. Heta 6 mengan ma do nê merkezan de bimanê û kesê ke derbasê herême bibê ma do rewşa înan kontrol bikerê. Heta sewîyeyêka ma herême vîrus ra bipawê. La dimayê ke rejîmê Sûrîye rayîro ke Şehbayî bi bajarê pîlî dir girêdano akerdî û tehlukeyê vîrusî herême de zêde bi. Seba ke vîrus herême de vila nêbo, heta nika ma kedêko pîl da.”   ‘Rejîm weşîye welatîyê Şehba keno tehluke’   Cinîya bi nameyê Fatme Abd-El Qadire zî wina vat: “Prosesê vilabîyayîşî vîrusî de Rêjîmê Sûrîye heme rayîrî akerde verdayî. Bê tedbir merdiman derbasê herême kerdî û tehlûkeyêko pîl serê welatîyê herême de viraştî. Hetê kontrolî de sistî estbî û heto bîn ra zî her kes kam ci ca ra biameyîne Şehba rayîr înan rê serbest kerdî. Nê çî verdayî ke ma zî nê tehluke dir rî bi rî bimanê. Lazim o ke komel nê çîyan rê haydar bo.”   ‘Ma tedbîrê xo yê hemverê vîrusî gênê’   Cinîya bi nameyê Şîlan Mihemede zî tedbîrê hemverê vîrusî de qisey kerd û vat: “Şehba de xeylê tedbîrê hemverê vîrusî ameyî girewtene. Rewşa nika ma ci de ciwîyenê zaf xesas o. Ma eşkenê bi xo pawitişê xo bikerê. Rêjîmê Sûrîye bi zanebîyayîş rayîr akeno, seba ke vîrus herême de vila bibo. Akerdişê rayîrê Heleb û şehbayî zî tehlukeyê vîrusî tewr zêde keno.”