
Pêrodayîşê mabênê di keyeyan de cinîyêke ameye qetilkerdene

2020-08-27 15:26:23


	&nbsp;

	ÊLIH - Qezaya Sasonî ya Êlihî de mabênê di keyeyan de pêrodayîş vejîya. Pêrodayîş de Mizgîn Toparli ameye qetilkerdene, Şîrîn Toparli zî birîndar bi.

	&nbsp;

	Qezaya Sasonî ya Êlihî de mabênê di keyeyan de bi hacetanê tûjan pêrodayîş vejîya. Pêrodayîş de Mizgîn Toparli ameye qetilkerdene û babîyê ci Şîrîn Toparli zî birîndar bi. Pêrodayîşî ra dima polîs û ambulansî sewqê cayê serebûtî bîyî. Birîndarî wedarîyayî nêweşxaneyan. Mizgîn Toparli nêweşxane de rixmê pêro mudaxeleyan zî dinyaya xo bedilnaye.

	&nbsp;

	Derheqê serebûtî de tehqîqat dîya destpêkerdene. Kiştoxa Mizgîne Nazmîye Keban û xeylêk kesî ameyî destbendkerdene.&nbsp;

	&nbsp;