Perîhana ke ameye vatene ‘întîxar kerda’ şîdetî reyde rî bi rî menda 

2020-08-22 13:43:38


	 

	AGIRÎ - Merdişê Perîhan Tekgula ku zabitnameyan de sey întîxar ca girewto, ame dîyarkerdene ke întîxar nêkerda û şîdetî reyde rî bi rî menda. Perîhana ke keyeyê aye vat, "problemê aye yê psîkolojîk estê û tedawî bîne” ame eşkerakerdene ke hetê mêrdeyê xo yê ke veradabi, bi serran şîdetê psîkolojîk û fîzîkî reyde rî bi rî menda.

	 

	Pêroyî de her ke şono Tirkîya de qirkerdişê cinîyan zêde beno. Bi taybetî zî şaristanê kurdan de merdişê cinîyan ê bi gûman rojeva cinîyan de yo. Sewbîna Agirî de zî binê nameyê “Întîxarî” de merdişê bi guman ê cinîyan zêde beno û tewr peyîn 13ê tebaxe de cinîyêka bîn bi hawayêko guman rehmet kerdebî. Perîhan Tekgula ke ame îdakerdene Întîxar kerda, ame eşkerakerdene ke hetê di camêrdê ke înan dir ameya zewicnayene reyde bi tedayê psîkolojîk û fîzîkî rî bi rî menda.

	 

	Pêvînayîşê ke ma bi keyeyî dir kerd de her çend ke ma cewabê persanê xo zelal nêgirewt zî ma musayî ke Perîhane 18 serrîya xo de hetê camêrdo ke ey dir ameya zewicnayene, şîdeta sîtematîk reyde rî bi rî menda. Keyeyî dîyar kerd ke lajê Perîhane qezaya trafîkî de rehmet kerdo û qeza ra Perîhane berpirsîyar ameya vînayene. Dimayê qezaya ke ameya meydan, keso ke Perîhane ey dir zewicnaye bîya, dewaya veradayîşî akeno û vano ke o êdî Perîhane nêwazeno. La keyeyê Perîhane zî keweno mîyan û wazeno ke yewbînan ra fek vera nêdê. Mêrdeyo ke Perîhane ey dir ameya zewicnayene, tewr peyîn Perîhane û kênaya ci 1 serrî keye ra qewerneno û erşaweno keyeyê ci.

	 

	‘Verê keyeyê xo de zî şîdetî reyde rî bi rî manena’ 

	 

	Perîhane na rey zî hetê keyeyê xo ke domane xo dir manena, na rey zî şîdetî dir rî bi rî manena. Birayê Perîhane vanê ke, "Problemê aye ê psîkolojîk bîyê û tu kes nêeşkayo çîyêk bikero.” Pêvînayîşê ma ê bi dayîka aye dir serê israrê ma yeno qebulkerdene.

	 

	Keyeyo ke Perîhane rehmet kerdebî, dayîka aye, wayê û birayê aye û kesê ke ameybî şîn estbî. Dayîka ci dîyar kerd ke Perîhane wextê zewacê xo şîdetî dir rî bi rî menda.

	 

	‘Seba tedayê ke ci rê ameyî kerdene xo eşt’ 

	 

	Dayîka ci dîyar kerd ke lajê Perîhane verê bi 8 serran qezaya trafîkî de rehmet kerdo, şîdet o wext zî dewam kerdo û vat: “Mêrdeyê ci aye û kênaya aye keye ra qewirnayî. Îdia kerdêne ke lajê aye, sûcê înan ra rehmet kerdo. Cîrananê Perîhane ra yewî/e xo resna ma û vat, 'kênaya şima bi şîdetî dir rî bi rî manena, şima çira nêgînê verê xo.’ Her roje bi sûcdarîyê ke lajê ci sûcê aye ra merdo, şîdet kerdêne. Vistewrê Perîhane milkê xo serê nameyê Perîhane ra vistib. Mêrdeyê aye çîyê ke serê nameyê Perîhane de bî, serê nameyê ci wedaritib. Semedo ke nefaqa nêdo."

	 

	‘Dedê ci zî şîdeto ke ci rê ameyîne kerdene tesdîq kerd’

	 

	Dedê Perîhane Cevdet Tekgulî zî dîyar kerd ke Perîhane zewacê xo yê diyîn de zî şîdetî reyde rî bi rî menda û vat, “Mêrdeyo ke ci dir zewicêno, Perîhane beno keyeyo ke ci de maneno û Perîhane uca de zî heyê keye û mêrdeyê xo şîdetî reyde rî bi rî manena.”