‘Daristanî mîrasê merdimayî yê’  

2020-08-20 14:04:33


	 

	AMED - Hemverê şewatê daristanê herême sîyasetmedarê cinî reaksîyon ramojnayî û vat: “Tirkîya de semedê rantê daristanî yenê veşnayene û Kurdistan de zî çarçewaya polîtîkayê şerî daristanî yenê veşnayene. Ganî ma na babete de dîqat bikerê û wayîrê xozaya xo vejîyê.”

	 

	Demêko derg o şewatê daristanan rojeve de yo. Hemverê şewatan zî heta nika, gamêke nêameya eştene. Herême de her roje semedê operasyonê leşkerî daristanî veşenê. Hemverê daristanê ke veşenê, dewlete xemsar nêzdî bena û nêverdenê ke welatî zî mudaxaleyê şewatî bikerê. Sîyasetmedarê cinî bale ante serê şewatê daristanan û vatiş çarçewaya polîtikayê şerî de şewatî yenê vetene û bi taybetî zî mudaxaleyî nêkenê.

	 

	Hemsereka Partîya Demokratîke ya Şaran (HDP) ya Amedî Hulya Alokmen Uyanike dîyar kerd ke mewsîmê hamnanî de temamê dinya de şewatê daristanan vejênê meydan, derdikevin holê, labelê şewatê ke herême de yenê meydan netîceyê polîtîkayê cîya yenê meydan. Hulya dewam de wina vat: “Kurdistan de şewat bi di tewir yeno meydan. Yew nînan ra zî o yo bi destê merdiman şewat vejêno û dewlete bi zanebîyayîş mudaxale nêkena. Sewbîna nêverdenê ke welatî zî mudaxale bikerê. Ê diyîn zî wextê operasyonê leşkerî de şewatî yenê meydan. Veşnayîşê daristanan de mîyanê nê operasyonan de sey hacetêk yeno meydan. Xora nêverdenê kes mudaxale bikero zî.”

	 

	‘Hemverê babete de xemsar mebê’ 

	 

	Hulya, bale ante serê polîtîkayê qirkerdişê xoza û wina vat: “Ma polîtîkayê qirkerdişê xozaya Heskîfî dî. Bi no hewa yeno waştene ke ekosîstemê uca xira bikerê. Her het ra hêriş kenê. Ganî şar nê fehmî de bo ke tewr zêde bihîsgêr têbigeyrê. Gama ke adir bi daristanan kewt, êyê ke wezîfeyê înan tefnayîşê adirî bi, wezîfeyê xo bi ca nêanê. Ma tewr peyîn Licê de dî. Ganî ma hemverê na babete de xemsar nêbê û wayîrê xozaya xo vejîyê.”

	 

	‘Sîstemê qirkerdişê xoza kewto dewre’

	 

	Hemsereka Partîya Herêma Demokratîkî (DBP) a şaristanê Amedî Seval Gulmeze zî dîyar kerd ke sîstemê qirkerdişê ekolojî kewto dewre û wina vat: “Kurdistan û Tirkîya de şewatê daristanan yeno meydan labelê ganî ma şewatê ke Kurdistanî yenê meydan bi hawayêko taybet nêzdî bibê. Tirkîya de daristanî seba rantî yenê veşnayene û Kurdistan de zî seba çarçewaya polîtîkayê qirkerdişî yenê texrîpkerdene. Vanê, ‘eke ti wayîrê nasname, xoza û bîyayîşê xo vejîyê, ez o zî wina mudaxale bikerî.' La heqê dewlete wina nîya. Ma senîn berpirsîyarîyê xo bi ca anê, ganî dewlete zî berpirsiyarîya xo bi ca bîyarê. Labelê îqtîdarê ke gama ke keweno mîyanê teşqelî o wext hêrişan keno û bi taybetî zî hêrişê xozaya herême kenê. La ganî ma xozaya xo bipawê.”

	  

	‘Pawitişê xoza wezîfeyê ma yo’

	 

	Aktîvîsta Tevgerê Cinîyanp Azad (TJA) Zelal Bîlgîne zî bale ante serê têkilîyê xoza û merdimayî yo û vat: “Hema hema her roje daristanêk yeno veşnayene. Îqtîdar bi no hewa xoza dir şer keno. Qirkerdişê xoza bingeyê xo de hêrişê serê bîyayîş û kokê ma yo. Pawitişê xoza zî wezîfeyê ma heme merdiman o. Seba ameyoxê mîrasê xo ganî ma wayîrê daristan û xozaya xo vejîyê.”