Semedê vîrusî nêeşkenê kerganê xo biroşê 

2020-08-19 14:20:21


	 

	ŞENGAL - Welatîyê dewa Borîkî bi weykerdişê û rotişê kergan dir debara xo kenê, la semedê vîrusê Koronayî nêeşkenê kerganê xo biroşê. 

	 

	Welatîyê dewa Borika Şengalî bi weykerdişê kergan dir debara xo kenê. Nika cayê kergan de nêzdîyê 5 hezarî kergî estê. Labelê semedê vîrusê koronayî nêeşkenê kerganê xo biroşê. Wayîrê kergan bale antî serê kar û barê xo.

	 

	Suat Xelefe, qiseykerdişê xo de bale ant serê karê weykerdişê kergan û vat: “Weykerdişê kergan zaf zehmet o. Lazim o ke merdim her wext koxikê înan de bo. Bi taybetî mewsîmê hamnanî de ganî her wext awa kergan bêra kontrolkerdene. Serra vîyarte de karê ma zaf baş bi û ma xeylê pere zî qezenç kerdêne. Labelê emsar semedê vîrusî ma nêeşkenê kergan biroşê. Nika ameyîş û şîyayîşê welatîyan kêm o. No seba ma tehluke yo.”

	 

	Alwan Xelefe zî cayê kergan de xebityrna û dîyar kerd ke 2 serrî kergî kerdê wey û vat: "Nika semedê vîrusî heme rayîrî ameyî padayene û ma nêeşkenê çîyêk biroşê. Karê ke ma kenê zehmet o. Ma debara xo bi weykerdiş û rotişê kergan kenê. Ez hukmat ra wazena ke problemanê ma çareser bikero.”