‘Hemverê vîrusî xo bipawê’ 2020-08-17 14:25:02   Nesrîn Hisen - Viyan Saîd   ŞENGAL - Hemverê vilabîyayîşê vîrusê koronayî, Şengal de hetê endamê weşîye ra her roje îqazkerdiş yeno kerdene. Endamê weşîye vatî sere de ganî welatî na babete de dîqet bi û vat: “Ganî bêmaske û bêlepik nêvejîyê teber û ameyîşê û şîyayîşê xo yê teberî kêm bikerê û goreyê metodê bîyaye têbigeyrê.”   Her roje bîlançoyê vîrusê koronayî (covid-19) temamê dinya vurneno. Dimayê wedaritişê tedbîran xetereyê vilabîyayîşê vîrusî tewr zêde vejîya werte. 21 mîlyonî ra zêdeyêr bi nêweşî kewtî û bi sedhezaran kesî zî cuya xo vindî kerd. Şengal de zî sere de heta nika goreyê îmkanê bîyaye tedbîr ameyî girewtene. Her wext îqazkerdişê xopawitişî ameyî kerdene. Endamê weşîye yê Şengalî derheqê xo pawitişî de zî ajansê ma rê şîrove kerdî.   ‘Bêlepik û bêmaske mevejîyê’   Abir Murade, dîyar kerd ke sere de her kes bi dîqet nêzdî bîne û vat: “Destpêkê vilabîyayîşê vîrusî de Şengalî de kesêk nêweş çinbi. Nika bi vilabîyayîşê nêweşîye dir ma welatîyê xo îqaz kenê. Hîn cayan de vanê kesê ke bi vîrus kewtê estê. Ma senîn eşkenê rayîr ver bi vilabîyayîşî bigîrê, no girîng o. Ganî welatî bi her tewir xo bipawê. Kesê ke vejênê teber ganî bi lepik û bi maske vejîyê. Sewbîna heta ke nêşêrê şayîyan, loqante û cayê qelebalix mevênderê. Ma sey endamê weşîye omid şarî ra kenê ke xo her çî ra bipawê.”   ‘Şîyayîş û ameyîşê xo yê teberî kêm bikerê’   Ranîya Welat, bale ante serê xebatê xo yê weşîye û wina vat: “Ma nêweşxane de tedbîrê xo gênê. Ma mecbûr ê ke hemverê vîrusî amade bê. Sewbîna tewr girîng zî ganî welatî xo bipawê. Waştişê ma welatîyan ra oyo ke şîyîş û ameyîşê teberî kêm bikerê. Mesafe ra dîqet bikerê.”   ‘Hemverê vîrusî metodê ke estê bi ca bîyarê’   Feysel Evdo zî wina vat: "Nika hemverê vîrusî dermanêk çin o û coka zî ganî welatî xo baş bipawê. Ma welatîyanê xo ra waştiş kenê ke bêlêpik û bêmaske vejîyê. Eke şima xo bipawê û metodê ke estê bi ca bîyarê û nêweşî ra dûr vinderê.”