‘Çîyo ke ma bipawo xopawitiş o’ 

2020-08-16 13:52:03


	 

	MÊRDÎN - Endamê Meclîsê Cinîyê Ciwanan ê HDPyî yê Mêrdînî bale antî serê girîngîyê xopawitişê hemverê qirkerdiş û tedayê serê cinîyan û wina vatî: “Ma do her ware de xopawitiş aver berê. Çîyo ke ma bipawo no yo.”

	 

	Tirkîya de serdemê AKPyî de şîdetê serê cinîyan se ra hezar û 400 zêde bi û pêwa nê îqtîdar wazeno ke Pêameyîşê Stenbolî bianco. Cinî, hemverê munaqeşeyê semedê Pêameyîşê Stenbolî ke kuçeyan de vengê xo berz kenê û eynî wextî de xopawitişê xo bi hêz kenê.

	 

	‘Wazenê cinîyan wareyê sîyaset û komelî ra dûr bifînê’

	 

	Elîf Înane dîuar kerd ke hemverê cinîyan şîdet yeno kerdene û sebebê ci zî helwestê dewlete yo û vat: “Hukmat hemverê şîdetê serê cinîyan de çîyêko cidî nêkeno. Ez sey cinîyêke vana ke sebebê hêrişê hemverê cinîyan polîtîkayê ke bêcezaverdiş ê. Semedê netîceyê polîtikayê camêrdan teşwîqê îşkence keno, cînayetî zêde benê. Wazenê cinîyan bikerê mîyanê qaliban û cinîyan wareyê sîyaset û komelî ra dûr bifînê.”

	 

	‘Ganî xopawitiş her ware de girs bibo’

	 

	Elîfe dewam de wina vat: “Ma sey cinîyê ciwanî tu wext ma têkoşînê xo peyser nêeşt û ma nêerzenê zî. Ma hem mektebe de hem zî wareyê têkoşînî xo dewam kenê. Ma nê çarçewa de xopawitişê xo her wext girs kenê. Vengdayîşê mi cinîyan rê oyo ke nêtersê. Wa hêzê xo bikerê yew û wareyan ramojnê.”

	 

	‘Ma do hemverê kesê ke wazenê ma bikişê wareyan de bê’

	 

	Zîlan Karakuşe zî ard ziwan ke êyê ke teda vînenê tewr zêde cinîyê û vat: “Her cinî her deqe de eşkena bi şîdey û qirkerdişî dir bêro rî bi rî. Vera nê zî ganî ma xopawitişê xo aver berê. Ganî pêro cinî nê çî bikerê. Ma do bi nasnameyê xo bi cinî her ware de bê. Ma do hemverê kesê ke wazenê ma bikişê ma do wareyan de bê.”