2 wayê û birayê yewbînan 3 rojî yo vindî yê 

2020-08-14 16:28:29


	 

	AMED - 2 wayê û birayê yewbînan, keyeyê Haddûra ke Sûrîyeyij ê, qezaya Farqînî de şiwanî kenê, 3 rojî yo vindî yê.

	 

	2 domanê keyeyê Haddûra Sûrîyeyijê ke Taxa Mergewaşî qezaya Farqînî ya Amedî şiwanî kenê, Vahîdeya 12 serrî û Hatemo 10 serrî bi 3 rojî yo vindî yê û zanayîş înan ra nîno girewtene.

	 

	Pîyê 2 domanan Necdet Haddûro ke taxe de şiwanî keno, dîyar kerd ke bi 3 rojî yo her di domananê xo bi tu hawa zanayîş nêgîno û vat: “Her di domanê mi, seba ke şêrê keye û seba ke werd bîyatê verê mi ra şî û reyke bîn mi înan ra zanayîş nêgirewt.”

	 

	Pî Haddûr, da zanayîş ke domanê ci vindî bîyê û şîyo Mudirîyê Polîsan ê Farqînî û seba domananê xo muracatê vindîbîyayîşî kerdo. Haddûro ke roj bi roje endîşeyê ci pîl benê, waşt ke domanê ci bi sax û silametî bêrê vînayene.