
Hemverê tedayan hîna zêde nuştene hîna zêde xoverdayene 

2020-08-09 14:48:08


	&nbsp;

	DÊRSIM - Nuştox Ozlem Armene dîyar kerd ke nuşteyê xo de seba problemê komelî berpirsyar a, metodêko veng vetişî û têkoşînî yo û vat: “Tewr zêde nuşte, tewr zêde lazim o. Hemverê heme tedayan têkoşîn şert o.”

	&nbsp;

	Nuştoxa kitabê ‘Nuşteyê Dêsan’ û ‘Qelemê rengîn’ Ozlem Armene nuşteyê xo yê derheqê babetê rojane de nê kitaban de ard têhet. Ozleme derheqê rojeve de fikrê xo ardî ziwan.

	&nbsp;

	‘Hêrişêk babeta vatişî ya’

	&nbsp;

	Ozleme bale ante serê qirkerdişê xoza û heywanan û kapîtalîzm û temsîlkaranê înan ke problemê derûdorî kerdê sey polîtîka. Ozleme vat, Heskîfo tarîxî binê awe de ameyo verdayene û vat, rewşa qirkerdişê xozaya ya faşîzmî ya û hêrişêko plankerde yê sîstematîk babeta vatişî yo.

	&nbsp;

	‘Cinî seba AKP ters a’

	&nbsp;

	Ozleme dewam de bale ante serê polîtîkayê netewperest, cinsperest û yewperest yê AKPyî û wina vat: “Demê peyîn de hêrişê hemverê cinîyan zêde bîyo. Wazenê heqê cinîyan ke ameyê qezenckerdene xesp bikerê. 18 serrî îqtîdarê AKPyî de tacîz, tecawiz û kiştişê cinîyan zêde bîyo. Hêrişê cinsî zêde bîyê. Cinî seba AKPyî bîyê ters. Seba cinî damara komelê wijdanê komelî yo. Wazenê Pêameyîşê Stenbolî wedarnê. Wazenê domanê ke rastê tecawizî ameyê bi tecawizkar dir bizewicnê. No xespkerdişê cuya domanan o. Seba ke cinî azadîya xo bipawê, ganî xo rêxistin bikerê têkoşîn bikerê. Nêzdîbîyayîşê dewlete ya hemverê cinîyan sîyasî û polîtîk o. Gulîstan Doku bi mengan o vindîbîyeya. Vindayîşê aye zî wezîfeyê Dewlete yo.”

	&nbsp;

	Ozleme projeyê xo yê newe zî qal kerd û da zanayene ke do nuştiş dewam bikera û do hîkayeua cuya pîyê xo bikera kitab.

	&nbsp;