Citkarê Sasonî paştdayîş wazenê 

2020-08-09 14:32:02


	 

	ÊLIH - Fatma Kaplana bi keyeyê xo dir karê ramitişî kena, waştişê paştdayîşî kena û vana bi qasê Sason bi name û bi veng o, hetê  bi nav û deng e, hetê ekonomî de dewlemend nîyo.

	 

	Herêma Sasonî ke cayêko tewr bi bereket a, tîya de pesdewarî û ramitiş yenê kerdene. Tewr zêde tutin û çîlege yenê ramitiş. Sewbîna çîlege, tutin û hingê ci zî bi name û veng o. Sason de dewijî serê menga nîsane ra seferberîyê ramitişî kenê, heta peynîya payîze. Semedo ke Êlih de karkerdiş sewîyeya tewr cêr de yo, xeylê xo nê xebatkaran ra keye bi xo yê. Doman û pîlî tîya de citkar û pesdewarî kenê.

	 

	‘Herra ma bi bereket a’

	 

	Seba ma rewşa ramitişî û pesdewarî ê Sasonî bimusê, ma şî serdayîşê citkarê dewa Teraşî. Keyeyê Fatma bi mêrdeyê xo dir ke mîyanê zîyanê tutinî de xebityena pêşwazî kerd. Fatma wina vat: “Dewa Sasonî her het ra weş a. Xeylê koy û çirrê weş ê. Seba ramitişî, lazimî bi herrêka werdî û temîz esto. Nê dir yew cayo tewr feydeyin nê herrî yê. Coka Sason cayêko zaf weş o. Hetê madî de ma nêeşkenê qalê eynî weşî bikerê.”

	 

	‘Karê ma zehmet o’

	 

	Fatma dewam de wina vat: “Ma keye de 10 kulfet ê, ma heme mîyanê zîyan de mîyanê heywanan de xebityê. Qijan ra heta pîran. Coka ma nêeşkenê tena bi ramitişî debara xo bikerê. Seba ma ramitişî kewenê binê deynan. Ma deyn girewtî, ma ewro nêeşkenê deynê şarî bidê. Sason de her çî seke dûr ra aseno nîyo. Her ke şino zergûnî bi name û veng benê la nê naçe û vengî feyde nêdanê ma. Teberê feydeyê ma feyde dano her kesî. Coka yê zehmetîyan vînena, reyna ma yê. Ma saete 4ê sibayî de wirzenê, ma dima ra zî şinê mîyanê heywanan. Domanê ma zî mîyanê zehmetîyan de perîşan benê, tewr zor zî ma nêeşkenê cuyêka weş bi înan bidê ciwîyayîş.”

	 

	Fatma vat, teberê ma her kesî zehmetîya ma ra feyde gêno û wina vat: “Ma ramitiş kenê û awe danê. Tewr peyîn pere ma gênê û zaf tay o. Eke ma bi 1 lîra biroşê, ê bi 5 lîra roşenê. Ganî keda keyeyêko nêro werdene. Ganî dewlete hetkarî bido keyeyê feqîrê ke ramitiş kenê.”