Cinîyê ke dermanxaneyan de xebityenê: Ma tewr xurt ê 

2020-08-06 15:33:48


	 

	AMED - Dermankar Şeyda Uysale Sûr de dermanxane akerd û tena bi cinîyan dir xebityena û cinîyan rê wareyê îstîhdamî awan kena. Şeyda dîuar kerd ke cinîyan ra hêz gêna û wina vat: “Cinîyê ke îmkanê karî destê înan de esto, ganî cinîyan rê zî bibê hetkar. Ez tîya veng dana cinîyanê karsazan.”

	 

	Şeyda Uysale ke Fakulteya Dermankerdişê ya Unîversîteya Yenî Yuzyilî ya Stenbolî qedêna, ageyra Amedê Sûrî û dermanxane akerd. Seba ke wareyê îstîhdamî cinîyan rê abikera, cinîyan dir xebityena. Şeyda vat, bi cinîyan dir xebate hêz dano ci.

	 

	‘Hêz dano mi’

	 

	Şeydayê ard ziwan ke bi cinîyan dir xebate hêz dano ci û wina vat:  “Wexto ke mi dermanxane akerd, fikrê min ê ez cinîyan dir bixebityî çinbi. La dimayê ke ez bi camêrdan dir xebityaya, ez fikirîyaya ke bi hemcinsanê xo dir bixebityî do hîna baş bibo. Ez nika kêfweş û bi hizûr xebityena. Ê hêz danê mi, ez zî hêz dana înan.”

	 

	‘Hewce bi îdarekerdişê hîn kesan çin o her kes wezîfeyê xo zano’ 

	 

	Şeyda wina vat: “Wexto ke merdimî dermanxaneyan ewnîyenê, zêde xebatkarê cinî çin ê. Sey karê camêrdan yeno vînayene. Goreyê înan ra seba ke karê ke baş şêro, ganî camêrd bixebityo. Her cayê xebate de vilakerdişê wezîfe esto û her kes wezîfeyê xo keno. Yanî hewce bi îdarekerdişê kesî çin o. Ez bi cinîyan dir xebityena û no mi hizûr keno. Cayê ke cinî xebityenê goreyê mi performans zî hizûr zî zêde yo. Wexto ke cinî yenê dermanxane, vanê do êdî bêrê tîya. Yanî xo asayîş de vînenê.”

	 

	‘Ma mecbûr mendî gamêk dima dest pêbikerê’

	 

	Şeyda dîyar kerd ke cinî cuya meslegî de her wext gamêk dima pey camêrdan dest pêkenê û vat: “Ameyox de îmkanî bikoyê destê mi ez o cinîyan dir cîyayî bikerî. Ganî cinî û camêrdî her wext têduşt bê. Ma cinî her wext peynî de memdî. Ez o seba nê zî cinîyan rê bibî paştî. Eke cinî aver şêro do komel zî aver şêro. Ez veng dana karsazê cinîyan ke cinîyan rê bibê hetkar û îmkanê karî bidê cinîyan.”