
‘Pîyê mi ame qetilkerdene, vindîkerdene’  

2020-08-06 14:32:39


	&nbsp;

	AMED - Huseyîn Aydemîr Stenbol de 1995 de ame dedtbendkerdene û vindîkerdene. Kênaya ci Dîlane dîyar kerd ke bi serran o edalet geyrena û yewin waştişê ci oyo ke cayêko gorê ey bibo.&nbsp;

	&nbsp;

	Cigêrayîşê bi hezaran keyeyê ke merdimê înan ameyî remnayene û vindîkerdene dewam keno. Nînan ra yew zî keyeyê Huseyîn Aydemîro ke dewa Tûkî yê Licê ya Amedî de ciwîyayîne. Huseyîn 1995 de ame destbendkerdene û a roje ra nat xebere ci ra nîna girewtene. Kênaya Huseyînî Dîlan Aydemîre dîyar kerd ke derheqê pîyê xo de çîyêk nîno vîrê ci û vat: “Belgeyê fermî derheqê pîyê mi de sey ciwîyeno erşawitî keye. No seba açerya îşkence. Pîyê mi çin o. Ma sebebê ke hema ciwîyeno fam nêkerd. Ma muracatê dadgehe da înan zî vat vindîbîyaye yo. Na rewşe seba ma açerya îşkence.”

	&nbsp;

	Huseyîno ke dewe de pesdewarî dir eleqedar bîne, semedê tedayê dewlete bi 5 domananê xo dir koçê Stenbolî keno. Huseyîn û keyeyê ci hetêk ra hemverê problemê ekonomî têkoşîn dayîne û hetêk ra zî hemverê dewlete ra. Huseyîn, 1995ine de torosêko spî espar kenê û reyke bîn zanayîş ci ra nîno girewtene. Wexto ke Huseyîn yeno destbendkerdene êyê ke derûdor de plaka û markayê wesayîtî gênê û keye muracatê qerekole keno la cewab nîno dayene.

	&nbsp;

	‘Mi çinbîyayîşê pîyê xo mekteba sereyîn de fam kerd’&nbsp;

	&nbsp;

	Dîlane wexto ke pîyê ci vindî beno 3 serrî bena. Derheqê pîyê ci de çîyêk nîno virê ci. Mekteba sereyîn de mamoste pers keno, ‘pîyê şima çi karî keno’ û serê nê de çinbîyayîşê pîyê xo hîs kena. Dîlane dîyar kerd ke derheqê persan de nêeşkaya ceeab bida.

	&nbsp;

	‘Gorêko ci çin o’

	&nbsp;

	Dîlanê wina vat: “Min kesî dir pare nêkerdêne ke pîyê mi ameyo vindîkerdene. No çîyêk giran bi. Tewr zêde roja pîyan de hîsgêr bena. Meedişê pîyê mi merdişêko normal nîyo, gorêko ci çin o. Wexto ke nê çî yenê vîrê mi ez xo baş hîs nêkena. Sey ma xeylê kesî estê. Yewin waştişê ma oyo ke vindîbîyaye bêrê vînayene.”

	&nbsp;

	‘Ma pîyê şima destbend nêkerdo, ey şima verdayo û şîyo’&nbsp;

	&nbsp;

	Dîlane tewr peyîn wina vat: “Kaxidê vengî de yan zî belgeyê fermî de hema pîyê mi bîyaye aseno. No zî seba ma îşkenceyêko pîl o. Pîyê mi çin o. Hema sey ciwîyeno derbaz kenê. Ma sebebê ci fêm nêkenê. Ma muracatê dadgehe da û vat, belkî merdişê ci vejê la dadgehe vat, ‘pîyê şima ciwîyeno, la vindîbîyaye yo.’ Verê zî polîsan vatêne, ‘ma pîyê şima destbend nêkerdo, ey şima verdayo û şîyo.’ Ma wazenê esteyê pîyê mi bêrê vînayene, gorêko ci bibo. Gumanbarî zî bi hawayêko giran bêrê cezakerdene.”

	&nbsp;