Cinîyê ke fabrîkayê peçetî de xebityenê: Ganî meaşê ma hîna zêde bo 2020-08-06 13:28:04   AMED - Cinîyê ke fabrîkayê peçeteyî de xebityenê, dîyar kerdî ke seba problemê ekonomî ê zaf zehmetîyan vînenê û mecbûr ê ke mîyanê şertê xidarî de bixebityê.    Cinî û domanê Palûkî yê ke Sûrê yê Amedî de seba îmkananê  kêm û problemê ekonomî xo ver danê, fabrîkayê peçeteyî û bi no hewa debara xo kenê. Cinîyê ke fabrîka de xebityenê ajansê ma rê qisey kerdî.   ‘Mi zî seba xebata xo mecbûr hîs kerdêne’   Kubra Aydina ke seba problemê ekonomî fek mektebe ra vera da û vat: “Seba wendişê mektebe îmkanê mi qîm nêkerdêne. Xora dewe de xeylê kesî seba îmkanî tayê, nêwenanê û şinê xebityenê. Mi zî seba xebate xo mecbûr hîs kerd. Ma serê sibayî saete 7 de dest bi kar kenê û heta 5ê şan de serê karî de yê. No kar mi rê hîna rehet yeno. Verê hîna karkerî estbî. Nika ma di cinî tena xebityenê û lajê westa zî verê ma de xebityenê.”   ‘Ma zêde serê limgan de vindenê’   Kubra dewam de wina vat: “Helbet xidarîyê her karî esto. Semedo ke her karî de kedêka esta. Xidarîyê nê karî zî oyo ke ma zêde serê lingan de manenê. Sewbîna semedê vejîyayîşê teberî zî îmkanê ma hende çin ê. Ma tena şono fabrîqe û keye. Xêrcê nê çîyêko ma bikerê çin o.”   ‘Ganî meaşê ma tewr zêde bo’   Şevîn Demîre zî wina qal kerd: “Semedo ke hewceyê mi bi kar esto na fabrîka de xebityena. Ez wendekar a û hetê ekonomî de kewena tengî. Tîya zêde wendekarî çin ê, eke bibê zî her wext krîzêko dir rî bi rî yê. Ma zêde serê lingan de vindenê û coka reyan paşt û lingê ma dejenê. Sewbîna verê hîna karkerî estbî. Coka meaşê ma zî kpm bi. La nika hûmara karkeran zî kêm o la reyna meaşê ma kêm o. Ganî meaşê ma tewr zêde bibo.”