Ozlem Aşkana ke tahîn viraznena, hemverê krîzê ekonomî têkoşîn kena 2020-08-05 14:24:46   WAN - Ozlem Aşkana ke berardişê tahînî kena û berardişê keda destê cinîyan yê bajarê cîya ana roşena, nika seba krîzê ekonomî rojê zehmetî ciwîyena û vat: “Semedê krîzî ez şertê giranî de dikan akena.”   Esnafê ke prosesê vîrusê Koronayî de bi mengan dikan anêkenê, dimayê normalbîyayîşî zî bi deynêko pîl dest bi kar kerdî. Esnafê ke nêeşkenê kîra, fatureyê awe û cereyanî bidê zehmetîyan ancenê û vera krîzê ekonomî têkoşîn kenê. Ozlem Aşkana ke Îpekyolê yê Wanî de ciwîyena, merkezê viraştişê tahînî dana xebityena. Ozleme serê kuçeyê Îkî Nîsanî de hîrê serrî verê, ‘Tahîna Areye Kerra’ akerd û sewbîna berardişê keda destê cinîyan ê bajarê cîya ana roşena.   ‘Keda keyeyî nîna vînayene’   Ozleme wina qal kerd: “Mi cinîyan rê wareyê îstîhdamî akerd. Cinî keye de çiqas bixebityê zî keda înan nîna vînayene. Amancê mi o bi ke cinîyan rê wareyê îstîhdamî abikerî û hetê ekonomî de serê linganê xo de vinderê. La tîya de yewin zehmetî xebata vera krîzê ekonomî têkoşîn o.”   ‘Dedtê cinîyan ra vejêno’   Ozleme vat, Edene de awa şalgamî, helaw, Sêrt de dims û reçel, Aydin de zî reçelê încîran, Dîlok de awa firingiyan û Fethiye de zî zeytûnan ana dikanê xo û vat: “Heme berardişê destê cinîyan vejênê. Muşterîyê yenê zî fam kenê ke destê cinîyan ra vejîyayê.”   ‘Ez nêeşkena kîrayê dikanî bidê’   Ozleme tewr peyîn wina vat: “Karêko zehmet o, ez tena xebityena, çuwalê kunciyan bi tena veng kena. Ez karê xo ra hes kena. Tahîn tena mengê hamnanî de û menga Remezanî de yeno rotiş. Coka ez nêeşkena kîraya xo vejî. Seba krîzî ez nika hewl dana ke xo serê lingan de verdî.”