Hûmara kesê ke Mêrdîn de bi vîrusê Koronayî kewtî vejîya 6 hezarî 

2020-08-04 15:15:09


	 

	MÊRDÎN - Hûmara kesê ke Mêrdîn de bi vîrusê Koronayî kewtî, vejîya 6 hezarî. Mêrdîn de heta nika 300 xebatkarê weşîye bi vîrusê Koronayî kewtê. Serê nê de Platformê Weşîye yê Mêrdînî îqaz kerd ke welatî baldar têgeyrenê.

	 

	Tirkîya de seba vîrusê Koronayî ya ke menga adare heta nika vila beno, heta nika 5 hezar û 747 kesî cuya xo vindî kerd. Bi prosesê normalbîyayîşî 1ê Hezîrane hûmara kesê ke bi vîrusê Koronayî kewtê her ke şono zêde beno. Mêrdîn de hûmara kesê ke bi vîrusê Koronayî kewtê vejîya 6 hezarî. 

	 

	Goreyê zanayîşê Platformê Weşîye ya Mêrdînî, Sendîkaya Kedkarê Xizmetê Komelî û Weşîye (SES), Odeya Tabîban a Mêrdînî ameyo girewtene, menga hezîrane ra heta nika hûmara kesê ke vîrusê Koronayî kewtê, xeylê zêde bîyê. Nika bi seyan awanî binê karantînayî de yê. Sewbîna zanayîşê ke ameyê girewtene kesê bi vîrusê Koronayî kewtê, hûmara înan resaya 6 hezarî û vîrus dewan de zî vila bîyo.

	 

	Hûmara xebatkarê weşîye ke enfekte bî resa 300

	 

	Platformê Weşîye yê Mêrdînî wina ercna: “Kesê ke bi vîrusê Koronayî kewtê, 6 hezar derbaz kerd. Bi taybet cayê şîn de, dawetan de virus zaf lez derbaz beno. Seba ke ca çin o, nêweşî bi xebatkarê weşîye şer kenê. Welatî derheqê maskeyan de û mîyanê qelebalixî de baldar nîyê. Ganî welatî baldar têbigeyrê, çunke wexto ke bi vîrusê Koronayî bikoyê, nêweşxane de ca çin o.”