
Çeteleyê menga temmuze: 35 cinî û 4 domanî ameyî kiştene 

2020-08-03 13:28:35


	&nbsp;

	MERKEZÊ XEBERAN - Nê rojan ke munaqeşeyê antişê Pêameyîşê Stenbolî yeno kerdene, kiştişê cinîyan dewam keno. Menga temmuze de 35 cinî ameyî kiştene û 8 cinîyan zî bi hawayêko bi guman dinyaya xo bedilnayî. Reyna temmuze de 20 cinî bi şîdet û tecawizî dir rî bi rî mendî û 4 domanî zî ameyî kiştene.

	&nbsp;

	Netîceyê şîdetê camêrd û bêcezabîyayîşî de û sewbîna seba vîrusê Koronayî (Covid-19) zî cinî û domanî bi şîdetî dir rî bi rî ameyî verdene û ameyî kiştene. Munaqeşeyê antişê Pêameyîşê Stenbolî camêrdan hîna bi cesaret kerd. Cinî hemverê polîtîkayê munaqeşeyê antişê Pêameyîşê Stenbolî têkoşînê xo dewam kenê.&nbsp;

	&nbsp;

	Kiştişê cinîyan her ke şono zêde beno. Qezaya Ula ya Muglayî de camêrdo bi nameyê Metin Cemal, Pinar Gultekine qetil kerd û nê ser de cinî vejîyayî meydanan. Labelê cinîyê ke hemverê şîdetê camêrdan vengê xo berz kerdî, bi şîdetê polîsan dir rî bi rî mendî.

	&nbsp;

	Platformê Ma do Cinayetê Cinîyan Bidê Vindarnayene &nbsp;(KCDP) ard ziwan ke menga temmuze de 36 cinî ameyê qetilkerdene û 11 cinî zî bi hawayêko bi guman cuya xo vindî kerdê. Goreyê dayeyê Ajansê ma JINNEWSî menga temmuze de 35 cinî ameyê qetilkerdene û 8 cinî zî bi hawayêko bi guman dinyaya xo bedilnayî. Menga temmuze de 20 cinî bi hêrişê cinsî dir rî bi rî ameyî verdayene. Netîce de şîdetê camêrdan ra 4 domanî ameyî qetilkerdene û 5 domanî zî bi hawayêko bi guman cuya xo vindî kerdî. 5 domanî zî bi hêrişê cinsî dir û şîdetî dir rî bi rî ameyî verdayene.

	&nbsp;