‘Ma do destûr nêdê qanûnê ke cinîyan hêrs kenê’ 

2020-08-03 11:43:16


	 

	WAN - Aktîvîsta TJAyî Hawar Derya dîyar kerd ke seba kiştişê cinîyan peynî bibê, ganî AKP fek qanûnê kêyfî ra vera bido û vat: “Ma do destûr nêdê qanûnê ke cinîyan hêrs kenê.”

	 

	Reaksîyonê hemverê qanûnê efûyî yê ‘bi rayîrê zewacî gumanbarê îstîsmarî dir’ bêcezabîyayîşê ano, dewam kenê. Aktîvîsta Tevgerê Cinîyanê Azad (TJA) Hawar Derya derheqê babete de qisey kerd û vat, ganî fek nê qanûnî ra vera bidê.”

	 

	‘Ma her roje bi xeberanê îstîsmarî dir aya benê’ 

	 

	Haware dîyar kerd ke her roje bi xeberanê îstîsmarê domanan û kiştişî aya benê û wina vat: “Tu kes cuya xo asayîş de hîs nêkeno. Seba ke zîhniyetê ke nê çî rê berpirsîyarê, wezîfeyê xo bi ca nêanê. Selahîyetdatê hukmatî zî vera komelî berpirsîyarîyê xo bi ca nêanê. Pêwa nê koas hîna giran kenê. Ma cinîyan ke verê zî vatib, ‘No wina derbaz nêbeno, ma cinî destûr nêdanê nê.’ Seba ke ma vera nê vejîyayî, ma rastê metodê cîya yê şîdetî ameyî. Coka gumanbaran cesaret girewtî.”

	 

	‘Ma heqê xo nêdanê werdene’

	 

	Haware tewr peyîn wina vat: “Domanê verî bi dewaya gonî û adetê şîdetî ameyne zewicnayene. Nika zî bi qanûno ke rojeve de yo hewl danê ke bêrê zewicnayene. No fehmê sapik û rayîrvejîyayîşî komel û cinîyan hêrs keno. Ganî lezabez fek nê qanûnî ra vera bidê û serê babeta ke gumanbar ganî senî bêro cezakerdene bêro qiseykerdene. Tu nîyetê ma çin o ke ma heqê xo yê qezençkerde vindî bikerê. Coka ma veng danê hukmatî ke berpirsyariyê xo bi ca bîyarê.