Germawa Giyadînî rastê eleqeyêko pîl yena  

2020-08-01 14:11:51


	 

	AGIRÎ - Qezaya Giyadînî ya Agirî germawê ke çimeyê şîfayê xeylê nêweşîyan ê, rastê eleqeyêko pîl yenê. Germawe bi çemê Muratî yê mabêne ra derbaz bena, dîmenêko weş pêşkêş kena.

	 

	Qezaya Giyadînî ya 50 kîlometrî Agirî ra dûrî ya, bi germawê xo ra rastê eleqeyêko pîl yena. Germawa ke çimeyê şîfayê xeylê nêweşîyan a, bi çemê Muradî yê mabêne înan ra derbaz beno zî dîmenêko weş vejena werte.

	 

	Xeylê nêweşîyan rê şîfa ya

	 

	Germawê ke 5 kîlometre qeza ra dûrî yê, yewbînan ra visyayê û wareyêko hîra de nuqtayê cîya de yenê meydan. Çemê Muradî zî eynî ware ra derbaz beno û vînayîşê ci zaf dewlemend o.

	 

	Germawe sewîyeya behrî hezar û 925 metreyî berzêr a, awa ci ya termale seba bîkarbonat, klorur, sulfat, kalsîyum, karbondîoksît û mîneralîzasonî yena meydan û seba xeylê nêweşîyan zî bi fêde ya. Germawe, seba nêweşîya çerm, va, norolojî, nêweşîya cinîyan, este, xirabîyayîşê siyatîk û metabolîzmayî rê baş a.

	 

	Awe germbîyayîşê 72-78 dereceyî vejêna, kargerîyê ke şarê herême awan kerda heta 35-40 derceyî yena vindarnayene û dima ra danê hewizan. Awe germawan bi sîstem heta merkezê bajarî ameya birnayene û sîstemê germbîyayîşî de yena xebitnayene. Welatê cîran Îran û Nahçivanî ra zî şar yenê germawe.