Aytena ke kuçe de derb werd bi desan rey gerre kerda 

2020-07-31 15:04:00


	 

	MÊRDÎN - Ayten Yilmaza ke hetê Serhat Çalgici ra rastê şîdetî ameye. Aytene vat, verê zî hîrê rey raporê derbkerdişî girewta û şîya qerekole û vat, pêwa nê derheqê gumanbarî de çîyêk nêameyo kerdene.

	 

	Mêrdîn de cinîya bi nameyê Ayten Yilmaza ke di rojî verê qezaya Artuklu de hetê camêrdo bi nameyê Serhat Çalgici ra rastê şîdetî ameye. Aytene seba şîdetê sereyê xo û milê xo birîndar bî û serê medyaya komelî de şîdet neql kerd û vat, nê welatî de edalet û heqê cinîyan çin o.

	 

	‘Mi hîrê rey gerre kerd’

	 

	Aytene dîyar kerd ke verê zî seba şîdetê Serhat Çalgici gerre kerda û vat, îfadeyê ci zî nêame girewtene.

	Aytena ke bi mengan o rastê şîdetê fîzîkî û psîkolojîk yena wina vat: “Mi xeylê rey derb werd. Telefonê mi girewtêne û mi keye ra vetêne. Ez polîsan geyraya û mi gerre kerd. Hîrê rey mi raporê derbkerdişî girewt. La çîyêk nêkerdî. Ne ez ameya pawitene û ne zî îfadeyê ey ame girewtene.”

	 

	‘Însanan mi temaşe kerd’

	 

	Aytene wina vat: “Hîrê rojî verê reyna ez ameya. Da sereyê mi ro û mi mîyanê gonî de verda. Bi seyan kesî zî mi temaşe kerd. Embaza mi verê mi de bî, seba ke veng nêda ambulanse telefonê aye girewt û şikit. Ambulanse nîm saete dima ameye. Polîsî ameyî pêro çî dî, la fotografêk nêantî. Qerekole de çar saetan lbendê îfadeyî vinderta. Pêwa ke ez bi desan rey rastê şîdetî ameya, kesî vengê mi nêeşnawit. Ez veng dana raya pêroyî. Hêzê mi nêmendo. Ez tena edelet wazena û wa paştdayîş bidê mi.”