Waştişê veradayîşê Ebrû û Aytaçî ame redkerdene 

2020-07-30 15:58:00


	 

	STENBOL - Waştişê serbest veradayîşê avûkatê ke rojeyê mergî de bî Ebrû Tîmtîk û Aytaç Unsalî dimayê raporê ATKî yê, “Nêeşkenê zîndan de bimanê” amebi dayene, ame redkerdene. 

	 

	Sazgehê Tipê Edlî (ATK) yê Stenbolî rapor da avûkat Ebru Tîmtîk û Aytaç Unsalî yê ke semedê heqê xo yê muhakemeyî bipawê, kewt rojeyê mergî û dîyar kerdî ke nêeşkenê zîndan de bimanê. Avûkatan dimayê raporî seba veradayîşê Ebrû û Aytaçî muracatê 37in Dadgeha Cezaya Giran ya Stenbolî kerdî. La dadgehe waştişê veradayîşî yê avûkatan red kerd. Çalakîya rojeyê mergî yê Ebrû Tîmtîke roja 210 de yo û yê Aytaç Unsalî zî roja 179in de yo. Her ke şono rewşa înan tewr giran bena. Eke avûkatî nêrê veradayîş do zîndan de cuya xo vindî bikerê.