‘Wa dewlete sozê ke dayê bi ca bîyara’ 2020-07-23 14:44:21   Gulîstan Azak   STENBOL- Avûkatanê KCDPyî ra Gul Erdogmuşe dîyar kerd ke rewşa ke Pêameyîşê Stenbolî peyser bêro antiş do kiştişê cinîyan hîna zêde bibê û wina vat: “Semedê çîyê ke yenê ciwîyene reyna nêbê, Pêameyîşê Stenbolî ferz o. Wa dewlete sozê ke dayê bi ca bîyara, wa verê cinîyan de biba.”   Nê prosesê ke şîdetê camêrdan hemverê cinîyan resayo sewîyeyêka xidar, Pêameyîşê Stenbolî zî oyo ke cinîyan paweno hedef de yo. Rojêke verê cinîya bi nameyê Pinar Gultekîne Mugla de hetê keso bi nameyê Cemal Metîn Avci ra bi îşkence ameye qetilkerdene. Nê ser de cinîyan sere wedarna. Yew avûkata Platformê Ma do Kiştişê Cinîyan Vindarnê Gul Erdogmuşe, dîyar kerd ke eke Pêameyîşê Stenbolî bi ancê kiştişê cinîyan zî hîna zêde bibê.   ‘Wa dewlete sozê xo bi ca bîyara’   Gule dîyar kerd ke yew problemo tewr giran ê Tirkîya qetilkerdişê cinîyan o û vat: “Rewşa pêameyîş wirzo do kiştişê cinîyan zî zêde bibê. Welato ke vernê de pêameyîş îmza kerdo Tirkîya yo. Ma wazenê dewlete sozê xo bi ca bîyara û kîşte cinîyan de ba. Wa cigêrayîşêko bi tesîr bêro kerdene. Wa zirarê cinîyan bêro çareserkerdene.”   ‘Xeylê cinî hetê camêrdê ke înan dir zewicnayê yenê qetilkerdene’   Gule dewamê qiseykerdişê xo de dîyar kerd ke Qanûnê înfazî yê newe 13ê Nîsane de meclîsî ra ameyo derbaskerdene, bê ke zanayîş bidê cinîyan, gumanbarê înan ameyê veradayene û wina vat: “No vera Pêameyîşê Stenbolî yo. Seba çîyê ke yenê ciwîyayîş reyna nêbê, Pêameyîşê Stenbolî girîng o û ferz o. Hukmat bê sebeb ramojno vano ‘vera keyeyî yo’ no qet rastî nêramojneno. Xeylê cinîyê ke yenê qetilkerdene hetê mêrdeyê xo ra yenê qetilkerdene.”   Pêameyîşê Stenbolî çi yo?   Pêameyîş de sey, ‘Pêameyîşê Stenbolî‘ yeno zanayene, nameyê ci fermî, ‘Pêameyîşê Konseyê Ewopayî yê Derheqê Têkoşîn û Vernîgirewtişê Şîdetê hemverê Cinîyan’ o. Taybetîyê  ewil ê pêameyîşî ke hişê merdiman o yo ke, yewin pêameyîşê mîyanneteweyî yê babeta şîdetê hemverê cinîyan o. Yanî bi kilmî Pêameyîşê Stenbolî, her tewir şîdetê vera cinîyan asteng keno û cinîyan şîdet ra paweno, gumanbaran ceza keno û muhakeme keno. Sewbîna GREVIO (Komela Çalakîya Pisporan a Vera Şîdetê serê Cinîyan) zî ke pisporan yeno meydan hewcedarî û bi îdarekerdişê pêameyîşî keno.     Pêameyîş Gulana 2011 de hetê welatê Konseya Ewropayî ra Stenbol de îmza rê ame akerdene û teşrîna peyêna 2011 de meclîs de amebi tesdîqkerdene.