
Ayfer Serçe ya ke heqîqetî bi cuya elawite 

2020-07-22 14:39:14


	&nbsp;

	MERKEZÊ XEBERAN - Qetilkerdişê Ayfer Serçe ser ra 14 serrî derbaz bî. Ayfere seba cigêrayîşkerdişê xokiştişê cinîyan şîye Îran û ewja de hetê rejîmî ra ameye qetilkerdene. Xeyalê Şîlane ê tewr gird o bî ke torêk xeberan ê cinîyan awan bikera. Rojnamegerê cinî seba caardişê xeyalê Şîlane ajansêk awan kerdî û kalemê aye dewr girewtî.

	&nbsp;

	Ayfer Serçe (Şîlan Aras) serra 1974î de qezaya Wêranşarî ya Riha de ameye dinya û serranê lîseyî de radyoyê bi nameyê Karacadagî de pêşkêşwanîye kerde. Şîlane semedê şîyayîşê dersxaneyî şona Edene û Mêrsînî û Unîversîteya Çukurovayî de Beşê Îşletmeyî wanena. Hema ciwantîya xo de meraqê aye çapemenî rê virazîyeno. Şîlane 1998î de têkoşînê cinîyan de bi hawayêko aktîf ca girewte û bi serran çapamenîya kurdî de xebetîyaye. Şîlane serê serra 2000î de Ajansê Xeberan yê Mezopotamya (MHA) de xebetîyaye û bado ke ajans yeno qefelnayene serra 2005î de Ajansê Xeberan yê Firatî Ajansı'nın (ANF) de muxabîrîya &nbsp;Ermenistanî kena. Şîlane tîya de 3 serrî xebetîyena û dima ra derbazê Herêma Kurdistano Federe bena. Tîya de zî seba cigêrayîşkerdişê xokiştişê cinîyan şona bajarê Urmîye û Mahabatî yê Îranî û mabenê tarîxanê 19-23 temmuza 2006î de hetê hêzê rejîmê Îranî ra ameye qetilkerdene.

	&nbsp;

	Cenazeya ci hema nêameya vînayene

	&nbsp;

	Şîlane serranê 2000î de Ajansê Xeberanê yê Mezopotamyayî (MHA) de dest bi xebate kerd û di serra 2005 de dimayê ke ajans ame padayene, Ajansê Xeberan ê Firatî (ANF) de xebitya. Şîlane muxabîrîya Ermenîstanî kerd, hîrrê serrî uca mende û derbazê Herêma Federalî ya Kurdistanî bî. Dima ra seba întîxarê cinîyan cigêrayîş bikera şî bajarê Urmîye û Mehabadî yê Rojhelatî.

	&nbsp;

	Şîlane tîya de xebata 3 hewteyan kerd, dima ra mabêne 19 û 23ê temmuze 2006 de herêma Kelareşî ya sînorê Tirkîya û Îranî de hetê artêşa Îranî ra ameye qetilkerdene. Tarîxê qetilkerdişê ci qeydê Rêxistinê Rojnamegeranê Sînornênasan de sey 23ê temmuza 2006 derbaz beno. Hîn çimeyî zî sey 19ê temmuze derbaz kenê. Serê qetilkerdişê aye de 13 serrî derbaz bi û rejîmê Îranî nê wextî de tu eşkerayîyêke nêda. Pêwa pêro veng û hewldayîşan hema zî cenazeya aye nêameya vînayene.

	&nbsp;

	Mîrasê aye dewr ame girewtene

	&nbsp;

	Şîlane yew rojnamegera cinîya ke adetê çapemenîya azad a. Şîlane seba torrêka çapemenîya ê cinîyan awan biba bi israr bî. Têkoşînê Şîlane rojnamegerê cinîyê Kurdan rê bî rehber. Xeyalê Şîlane bi JINHAyî dir gane bi. Cinîyê Amedîyijî bi sloganê, ‘Ma ziwanê çapemenîye vurnenê. Dimayê ma do dinyaya çapemenîye sey verê nêba’ 8ê Adara 2012 de JINHA awan kerdî û heme xebatkarê ci cinîyan ra ameyne meydan.

	&nbsp;

	&nbsp;