
Îdiaya Fatma verê ameya tecawizkerdene dima ra ameye qetilkerdene 

2020-07-20 16:29:58


	&nbsp;

	MÛŞ - Dewa Qêranlî ya qezaya Milazgirî ya Mûşî de cinîyêke rê hetê birayê mêrdeyê xo ra tecawuz ame kerdene û dima zî hetê mêrdeyê xo ra cinîye ameye qetilkerdene.

	&nbsp;

	Goreyê zanayîşan cinîya bi nameyê Fatma Altinmakasa ke dadîya 6 domanan bîye, hetê mêrdeyê xo Kazim Altinmakasî ra ameye qetilkerdene. Cenazaya Fatma hetê keyeyê ci ra ameye girewtene û dewa Hozdemîrî ya qezaya Patnosî ya Agirî de ameye definkerdene. Serebûtî ra dima Kazim Altinmakas ame destbendkerdene û tepiştene. 6 domanî zî gêrîyayî binê 'pawitişî'.

	&nbsp;

	Qerekole rê gerre kerda

	&nbsp;

	Serebûtî ra dima ame îdîakerdene le Fatma Altinmakasa mexdûra tecawuzî ya. Goreyê zanayîşanê ke hetê keyeyê aye ra ameyî girewtene, Fatma Altinmakas 12ê temmuze de mêrdeyê xo reyde şîye Qereqolê Cendirmeyan ê Milazgîrî û gerre kerd. Fatma îfadeyê xo de vat ke birayê mêrdeyê aye S.A. ci rê tecawuz kerd. Îfade ser o S. A. ame destbendkerdene û çend rojan ra pey ver dîya. Roja ke S.A. vera dîya Fatma ameye qetilkerdene.

	&nbsp;

	Ame parekerdene ke keyeyê Fatma hem gerreyê Kazim Altinmakasî hem zî gerreyê endamanê pêro keyeyê ci do bikerê.

	&nbsp;