
Beycan Taşkiran: Ma do wayîrê xeyalanê xo vejîyê  

2020-07-19 14:57:51


	&nbsp;

	AMED - Temsîlkara Hemsereka Pêroyî ya ESPî Beycan Taşkirane, dîyar kerd ke 5in sergerra qirkerdişê Pirsûsî de do Pirsûs de bê û vengdayîşê wayîrvejîyayîşê xeyal û têkoşînê kesê ke dinyaya xo bedilnayî kerd.

	&nbsp;

	Serê qirkerdişê Pirsûsî ra 5 serrî derbaz bi. Verê Merkezê Kulturê Amara yê Pirsûsî de endamê Federasyonê Komeleya Ciwananê Sosyalîstan ke semedê domananê Kobanî pêkay û hacetê hetkarî biberdêne, îzahat dayî û a mabêne de bombaya ganeya ê DAIŞî Abdurrahman Alagozî xo teqna û 33 kesî qetil kerd. Sera zêdeyêr kesî birîndar bî. Temsîlkara Hemsereka Pêroyî ya ESPyî Beycan Taşkirane dîyar kerd ke verê 20ê Temmuze do şêrê Pirsûsî û plan û rêxistinbîyayîşê xo bikerê.

	&nbsp;

	‘Ma bi rêxistinê ciwanan dir xebatêka hempar kenê’

	&nbsp;

	Beycane dîyar kerd ke aye serra 5in de zî seba Pirsûsî vanê edalet û wina vat: “20ê Hezîrane ra ma xebate kenê. Ma xebata girseyî kerd. Ma sey ESP, sey SDGF, OGK û meclîsê cinîyan ê sosyalîstan xebata hempar kerd. Ma şî verê şaran, karker, kedkaran. Ma şênê serdayîşê pêro rêxistinê bawerîyan. Ma bi serdayîşê xo bi waştişê edaletî kenê yew. Ma derheqê dosyaya Pirsûsî de zanayîş danê. Seba embazanê xo ma lokma vila kenê û keyeyê Cem û merkezê bawerîya şaristanan do beşdarê vîrardişî bibê.”

	&nbsp;

	‘Do Amed û Dêrsimî de îzahat bibê’&nbsp;

	&nbsp;

	Beycane dîyar kerd ke roja qirkerdişî û saeta qirkerdişî de do serê goran vîrardiş bikerê û wina vat: “Ma do serê gorê embazanê xo de bê. Şan de zî ma do bi rêxistinê girseyî û HDPyî dir çalakîyan bikerê. Amed û Dêrsimî de îzahat bêrê dayene. Do reyna cayê cîyayê Tirkîya de eşkerayî bêrê dayene.“

	&nbsp;