Hemverê ambargoyê Mexmûrî rayraşîyayîş ame organîzekerdene 

2020-07-18 14:18:51


	 

	MEXMÛR - Mexmûr de ambargo bi yew serre. Bi rayberîya Meclîsê Demokratîkî yê Şarî rayraşîyaîşêk ame organîzekerdene û ambargo ame şermezarkerdene.

	 

	Mexmûr de ambargo bi yew serre. Şarê Kampa Multecîyan a Şehîd Rûstem Cûdîyî (Mexmûr) ambargo û ablûqaya Federalê Kurdistanî pê rayraşîyayîşêke şermezar kerd.

	 

	Rayraşîyayîş de eşkerayîyêk ame dayene û ame dîyar kerdene ke: “Bi serrêke yo welatîyê Mexmûrî hemverê pêro hêrişan îşxalkerdişan sere nêtewênayê û reyna zî xoverdayoxî xo reyna ramojnayê. Serrêke yo vera wargehî ambargoyêk esto. Sewbîna her wext bi sebebê cîya hêrişê herra Başûr yena kerdene. Ganî vera hêrişê îşxalkerdoxan şarê Kurdî pêro vindertiş û xoverdayîşî xo rê nimûne bigîro û vera îşxalkerdişî xo pîl bikerê.

	 

	Ma veng danê Neteweyê Yewbîyaye û Hukmatê Herême kenê ke berpirsîyarîyê xo bi ca bîyarê. Ganî şarê Kurdî kesê ke vanê ma heqê merdiman pawenê û pêro sazgehê heqê sivîlan pawenê, rojnemewan û heme hetgirê heqîqetê vera dewletanê îşxalkerdoxan û hêrişê înan her ca ra wirzê û paştdayîşê Mexmûrî bikerê.”