Dîlan Dîrayet Taşdemîr: Şîdet ça bibo xoverdayîş zî uca de yo 

2020-07-16 14:46:44


	 

	AGIRÎ - Meclîsê Cinîyan ê HDPyî çarçewaya kampanyaya xo ya ‘têkoşînê cinîyan her ca de yo’ 18ê Temmuze de Agirî de rayrayîş organîze kenê. Parlamentera HDPyî ya Agirî Dîlan Dîrayet Taşdemîre dîyar kerd ke amancê rayrayîşî oyo ke vera şîdetê camêrdan ê bajarî hîsgirîyêk awan bikerê û vengdayîşê beşdarbîyayîşê cinîyanê Agirî û Serhadî kerd.

	 

	Çarçewaya kampanya de ‘têkoşînê cinîyan her ca de yo’ Meclîsê Cinîyan ê HDPyî do 18ê Temmuze de Agirî de rayrayîşêk yeno organîzekerdene. Parlamentera HDPyî ya Agirî Dîlan Dîrayet Taşdemîre derheqê rayrayîş de qisey kerd û vat, do 18ê Adare de têkoşînê xo girs bikerê.

	Dîlane dîyar kerd ke AKPyî têkoşînê azadîya cinîyan kerdo hedef û wina vat: “Îqtîdar hewl dano ke rejîmêko dişminê cinîyan, înkarkerde û muhafazakar awan bikero. Coka zî wazeno ke astengîyê vernîya xo yanî têkoşînê cinîyan tasfîye bikero. No sebeb ra zî operasyonan keno, hewl dano komelî îkna bikero û îdianameyê vengan amade kenê. Êyê ke nê çîyan ra hîna zaf tesîr benê, bêguman tevgerê cinîyanê kurdan ê.”

	 

	‘Sazgehê bîn ê cinîyan zî hedef de yê’

	 

	Dîlane dîyar kerd ke prosesê OHALî de 43 sazgehê cinîyan ameyê padayene û ameyo waştiş ke TJA bêro îlegalîzekerdene û wina vat: “Nê prosesî de sazgehê bîn ê cinîyan hedef de yê. Vernê de tevgerê azadîya Kurd, HDP û tevgerê cinîyan hedef ameyo girewtene. Ewil hemserekî hedef ame girewtene. Şaredarî hedef ameye girewtene. AKP wazeno ke mesajêk bido cinîyan. Rojbîn Çetîne zî nimûne ya.”

	 

	‘Bi amancê awankerdişê hîagirî yo’

	 

	Dîlane dîyar kerd ke wextê AKPyî de şîdetê serê cinîyan zêde bîyo û wina vat: “Lingê kampanya ‘Têkoşînê cinîyan her ca de yo 18ê Temmuze de do Agirî de dest pêbikero.’ Agirî de menga peyîn de 5 cinîyan peynîya cuya xo ardî. Bi amancê vera şîdetê cinîyan hîsgêrî awan bikerê. Agirî de rayrayîş do bêrokerdene. Ma veng danê pêro cinîyan ke pîya têkoşîn bikerê û a roje verê yewbînan de bê.”