Dozger îstîsmarê cinsî sey 'Desteştiş' vîna 

2020-07-16 13:51:38


	 

	
		 


	MÊRDÎN - Mêrdîn de şoforêko serwîsî Hasan A. hemverê domanêke/o hêrişê cinsî kerd. Dozger ke hedîse sey ‘desteştişê’ fîîlî ercna, sûcê ‘bi desteştişî, hemverê domane/î îstîsmaro cinsî ca ard’ îdianame amade kerd.

	 

	Tirkîya de domanî keye, mekteb, park, serwîs û bi kilmî her ca de rastê îstîsmarî yenê. Pêameyîşê ke îstîsmar meşrû kenê yenê rojeve û pawitişê gumanbaran û polîtîkayê bêcezabîyayîşî zî bêguman vernîya îstîsmarî akeno. Nimûneyêkê ci Mêrdîn de ame ciwîyayîş. Kanûnê 2019 de Mêrdîn de şoforê serwîsî Hasan A. (30) domanêke/o îstîsmar kerd. Ame zanayîş ke gumanbar, domane/î serwîse de îstîsmar kerdo û dimayê ke domane/î serwîs ra vejîyaya/o, çîyêko ciwîyaya/o keyeyê xo ra vato û hedîse întîkalê muhakeme kerda.

	 

	Hedîse sewîyeya ‘desteştiş’ de mende!

	 

	Dimayê gerrekerdişê gumanbarî îfade da û sûcdarî qebûl nêkerd û serbest ame muhakemekerdene. Dima ra derheqê gumanbarî de îdianame ame amadekerdene. Sûcê, ‘bi desteştişê, hemberê domane/î îstîsmaro cinsî’ 3 serran ra heta 8 serran îdianame ame amadekerdene û îdianame hetê Dadgeha Cezaya Asliye ya Mêrdînî ra ame qebûlkerdene. Îdîanameyî de zî sûcê gumanbar sey ‘desteştiş’ ame ercnayene û wina ame vatane: “Gumanbar, sûcdarî qebûl nêkerdo, dayîk û pîyê mexdûre/î zî derheqê gumanbarî de gerre kerdo.”

	 

	Yewin roniştiş do 14ê êlule de bêro vînayene.