Cinîyî îstîhdam pîya aver benê 

2020-07-15 13:48:56


	 

	QERS - Çarçewaya projeyê ke şaredarîya Qersî kerdê falîyet, cinî wareyê îstîhdamî yê ke ameyê awankerde de ca gênê û hem debara xo kenê, hem zî wareyê komelî seba xo awan kenê. Qursê ke pandemîyî de ameybî vindarnayene zî newe ra ameyî akerdiş û eleqeyêko pîl vînenê.

	 

	Şaredarîya Qersî ya HDPyî di 31ê Adara 2019 de ameye padayene û seba şar û cinîyan xeylê proje kerd falîyet. Şaredarî bi nê projeyan ‘hewl dana seba cinîyan wareyê îstîhdamî’ awan bikero. Yew cayê îstîhdamî yê şaredarî akerdişê Mor Cafe, Maxazayê Paştdayîşê Komelî û qurs ê. Cinî dîyar kerdî ke şaredarî bajar de xebata yewin bi ca arda.

	 

	‘Ez serê linganê xo de vindena’

	 

	Esmer Uluçaya ke keyeyê tenûre ya Mor Cafeyî de nan viraznena ya. Esmere 6-7 mengî yo tîya xebityena û wina vat: “4 domanê mi estê. Ez hemine dana wendiş. Mêrdeyê mi kar nêdî û mi zî muracatê şaredarî kerd. Ez tîya xebityena û serê linganê xo de vindena. Cinîyan dir xebate kêfê mi ano. Ma pêro yewbînan fam kenê û problemanê xo pîya çareser kenê. Ez xo azad hîs kena.”

	 

	‘Hem wareyê paştdayîşî hem wareyê xebate’

	 

	Zehra Anliye zî Maxazaya Paştdayîşê Komelî de xebityena, wina vat: “Ma tîya cil û belgê ke welatîyan ra yenê kontrol kenê, êyê ke pak ê danê hetêk, êyê ke kan ê şûnê, utî kenê û kemê zereyî refan. Seba kesê ke lazimîyê înan estê, ma înan rê benê hetkar. Maxazaya ma hetkarîyê bexşan qebûl kena. Seba ma vernê de cinî û domanî yenê. Ma bi dîyarîyê qijan domanan kêfweş kenê. Ma cilan danê domanan ra, dîyarîyê înan kenê. Ma hem paştdayîş û hem zî debara xo kenê.”

	 

	‘Ma bi viraştişê kerraya pitikan debara xo kenê’

	 

	Ayşe Îşbecerene ke Qezaya Mudirîyê Kulturê Şaredarîya Qersî de xebityena zî dîyar kerd ke aye qursê viraştişê pitikê bi kerreyan dana û vat: “Karêko zehmet o. La karêko bi kêf o. Bi taybetî turîst eleqeyêko pîl ramojnenê. Ma zî pê debara xo kenê. Prosesê pandemî de ma mabêne dayo la nika eleqeyêko pîl vîneno.”

	 

	Zeynure Taşçelîke zî merkez de qursê resimî dana û vat, mabêne emrê 9-45 de qurs dana û wina vat: “20 serrî yo ez nê karî kena. Gama ke ma domanan kêfweş vînenê, ma zî kêfweş benê. Projeyê şaredarî eleqeyêko pîl dî. Pandemîyî de ma mabêne de qursan û nika ma do menga êlule-teşrîna verêne de reyna bikewê dewre.”