Şevîn Alaca: Ma do bajar de bibê rengê cinîyan 2020-07-14 12:38:01   QERS - Şaredarîya HDPyî ya Qersî ke her wext bena hedefê îqtîdarî, pêwa pêro tedayan û îmkanê qelsan xebatê girîng yê cinîyan kena. Hemşaredar Şevîn Alaca projeyê xo qal kerd û ard ziwan ke do her wext bajar de rengê cinîyan dewam bikerê.   Şaredarîya HDPyî ya Qersî ke hemşaredarê ci Şevîn Alaca û Ayhan Bîlgen ê, her wext benê hedefê îqtîdarî. Hemşaredarê şaredarî bi 350-400 mîlyon lîra dewr girewtî, pêwa pêro astengîyan projeyê xo viraznenê. Mîyanê nê projeyan de Merkezê Paştdayîşê Cinîyan, Mor Cafe, Bazarê Kede ya Cinîyan, Keyeyê Tenûre, Xeta Mor û Mexazeyê Paştdayîşê Komelî yo. Hemşaredar Şevîn Alaca dîyar kerd ke do bibê rengê cinîyan û derheqê xebatanê xo de zanayîş da.   ‘Ma xeta More fîna dewre’   Şevîne bale ante serê girîngîyê Merkezê Paştdayîşê Cinîyan û dîyar kerd ke prosesê pandemî de sey her cayê Qersî zî hedîseyê şîdetî ameyê ciwîyayîş û wina vat: “Ma akerdişê merkezê xo lez bi ca ard. Merkez de pisporê xizmetê komelî wezîfeyê xo kenê. Rojane bi cinîyan dir pêvînayîş yenê kerdene, derheqê nê de rapor yenê pêşkêşkerdene. Cinîyê ke yenê merkez, hetê ekonomî de hetê problemê ke keye de ciwîyenê de paştdayîş wazenê. Cinîyê ke rastê şîdetî yenê, ma ra hetkarî wazenê û ma verê înan danê baro. Cinîyê ke yenê merkez şaş manenê. Sebebê nê zî oyo ke verê xebatêk wina çin bî. Sewbîna ma seba vurnayîşêko asan zî Xeta Mor kerd dewre.“   ‘Paştdayîşê bi Mexazeyê Paştdayîşî pîl bi’   Şevîne dîyar kerd ke seba waştişêko pîl hetkarîya Mexazeyê Paştdayîşê Morî akerdê û kewtê cigêrayîşê çareserî û nê ser o mexaze akerdê. Şevîne wina vat: “Mexaze hem Qers de hem zî bajarê bînan de eleqeyêko pîl dî. Paştdayîşê cil û belgê domanan zaf zêde ame. Ma serê muracatê domananê xo kêfweş kenê, dîyarîyan şawenê. Mexazeyê ma bi paştdayîşî girs bî.”   ‘Ma toxim û çîçekê kazê ê qersî vila kerdî’   Şevîne tewr peyîn qiseykerdişê xo de dîyar kerd ke Qers hetê pesdewarî û ramitişî de bajarêko girîng o, la netîceyê polîtîkayanê şaşî de bajar kewto plano peyîn û vat: “Ma plansazî kerd ke ma hîn paştdayîş bidê ramitişî. Verê her çî ma serê erdê şaredarî de xebatê ramitişî kerd. Dima ra ma seba welatîyê xo seba serê erd û baxçeyê xo ramitiş bikerê teşwîq kerd. Ma seba teşwîqkerdişê Kazan, çêçikê înan vila kerd. Verê nê de ma paştdayîşê toximî da.”