Cinîyan ra vengdayîşê rayrayîşî: Ma pîya vernîya qirkerdişan bigîrê 

2020-07-11 15:43:45


	 

	DÊRSIM - Cinîyê HDPyî fînalê  Kampanyaya “Têkoşînê cinîyan her cade yo” semedê Gulîstan Dokuye ya vînîbîyaye do Dêrsim de bikerê

	 

	Cinîyê Partîya Demokratîke ya Şaran (HDP) fînalê  Kampanyaya ”Têkoşînê cinîyan her cade yo” semedê Gulîstan Dokuye ya vînîbîyaye do Dêrsim de bikerê. Hemsereka HDPyî ya Dêrsimî Nurşat Yeşîle semedê tewrbîyayîşî veng da.

	 

	Meclîsê Cinîyan ê Partîya Demokratîke ya Şaran (HDP) aşmêke verê cu bi sloganê ”vera îstîsmar, înfaz, qeyûm  ma estî, têkoşînê cinîyan her ca de yo” dest pê kampanyayêke kerdbi. Cinîyanê ke xeylêk bajaran de çalakîyî kerdî û fînalê kampanya seba ke bale binance rewşa Gulîstan Dokuye ser do Dêrsim de bikerê.

	 

	‘Şîdet, tecawuz, tacîz ameyê sewîyeya peynî’

	 

	Endama PMî yê HDPyî Hêlîn Yagmur Uciye dîyar kerd ke şîdet, tecawuz her ke şono vera cinîyan zêde beno û vat: “Cinî seba  edaletî pratîkêko têkoşînî ramojnayî. Ma zî sey meclîsê cinîyê HDPyijî bi vatêne, 'Ma estê, cayê ke ma bibê nê qanûna nêeşkenê derbaz bikerê’ waştişê xo yê demokratîk neql kenê. Coka ma vanê têkoşînê cinîyan kampus, zere, teber, cayê kar û heme cayî de yo. Ma bi sloganê 'Têkoşînê Cinîyan her Ca de yo’ kampanyayêk da destpêkerdene. Ma vera faşîzmî estê. Bêrê ma pîya 12ê Temmuze de rayrayîş bikerî.”

	 

	‘Seba ke ma hêrişan vindarnê ma bernameyê çalakî organîze kerd’

	 

	Hemsereka HDPyî ya Dêrsimî Nurşat Yeşîle veng daye cinîyan ke wa siba saete 13.00î de Kuçeyê Sanatî de bêrê pêser. Nurşate vist vîrî ke bi aşmeno derheqê aqibetê Gulîstan Dokuye de zanayîş nêno girewtene û vat: Têna serê xokiştişî de vindene la gerek roja verêne ra babete sey cînayet û remanyîş biameyêne destgirewtene. Gulîstan Dokuye a verêne nîya ke çîyo wînayên yeno ser la a bîye sembole. Naye de rolê keyeyê ci û têkoşînê cinîyan esto. Ma do destûr medê ke ê serê naye bîgêrê. Vengdayîşê ma cinîyan rê oyo ke wa siba vera şîdet û qirkerdişê vera cinîyan vejîyê kuçeyan.”