
Raşteyê Sîtî rê ruhsatê ocaxê kerra ame dayene

2020-07-10 15:28:09


	&nbsp;

	DÊRSIM - Qezaya Mazgêrdî de raşteyê Sîtî rê ruhsatê ocaxê kerra ame dayene. Yeno vatene ke eke ocaxê kerra bêro viraştene do xeylê tirb, çimeyê awe û berardişî çin bibî.

	&nbsp;

	Her çiqas ke herêma Xirêbe ke keweno mabenê dewanê Sorek, Koderîç û Lemkî yê beldeyê Perî û Dirbanî yê pabesteyê Kizilkale yê qezaya Mazgêrdî yê Dêrsimî ke hetê Heyetê Herême yê Pawitişê Estbîyayîşê Kulturî yê Xarpêtî ra sey raşteyê 1. yê arkeolojîk Sît bêro îlankerdene zî do ocaxê kerra bêro viraştene. Nuşteyo ke erşawîya keyayê dewî rê de yeno vatene ke Mudirîya Pêroyî yê 8. yê Kereyollarî semedê xebetnayîşê kargehêk 10 hektar erdî rê ruhsat daya.

	&nbsp;

	Dewijî kampanyaya îmze dayî destpêkerdene

	&nbsp;

	Yeno vatene ke do Tirbê Kara Xizirî ke o zî keweno herême ocaxê kerra ra tesîr bibo. Sewbîna do xeylê tirb, çimeyê awe û berardişî çin bibî. Coka ra dewijî kampanyaya îmze dayî &nbsp;destpêkerdene ke viraştişê ocaxê kerra bêro betalkerdene.&nbsp;

	&nbsp;