9 Temmuza 1937î: Zerîfa û hemrayê ci Alîşêr ameyî qetilkerdene 2020-07-09 15:42:31   Hemrayê pîya yê zerrîpak Zerîfa û Alîşêro ke hem şerwan û hem şaîr o. Alîşêr û Zerîfa vera polîtîkayanê qirkerdişî yê îşxalkerdoxan mil danê yewbînan û xoverdayî. Koçgirî û Dêrsim de bî rayberê serewedaritişî û 83 serrî verê netîceyê îxanatê hemkaran de  9ê Temmize 1937 de netîceyê faqe de dinyaya xo bedilnayî.   Sembolê serewedaritişê Dêrsim û Koçgirî de Zerîfa û Alîşêr, 9ê Temmuze 1937 de netîceyê faqe de dinyaya xo bedilnayî. Nê dir girêdayê qirkerdişî, dima ra qirkerdişê Dêrsimî dewam keno.   Zerîfa, pê şerwanî û kurmê xo yê nermî namdar bîye. Her tim rîyê ci huyayêne. Meymanan ra zaf hes kerdêne. Her çî ra verî emrê xo de qet Alîşêr, dewaya ci de têna nêverda û tim pê çeka xo kişta ey de ca girewt. Zerîfa, cinîyêka destakerde û çêre bîye. Têna cinîyanê Kurdîstanî nê camêrdanê Kurdîstanî zî zaf hûrmet mojnayêne ci û tim sifraya xo de ca dayêne Zerîfa.   Nimûneya cuyêka têkoşer   Zerîfa xanima ke çêreke bî, wextê xo de têna aye wendiş-nuştiş zanayêne. Hem leşkerî hem zî sîyasî cinîyêka kurde bî. Zerîfa zî sey Alîşerî dewaya neteweyî yê kurdan rê girêdaye, eynî armancanê pîlî teqîp kerdêne. Zerîfa Xanime vera artêşa wayîrê çekanê averşîyayîşî de tena bi çekê xo yê destan û bi fehmê xo yê xurt tarîx de nameyê xo bi tîpê zerdîn dana nuştene. Zerîfa Xanime bi helwest û xoverdayîşê xo bena nimûneyê cuyêka têkoşer.