
Cinîyêka bîne zî nêameye pawitene: Zeynep Topale ameye qetilkerdene 

2020-07-07 14:03:11


	&nbsp;

	ÇEWLÎG - &nbsp;Zeynep Topala ke timî raştê şîdetê sîstematîk yê Osman Topalî ameyêne, hetê no şexsî ra bi zorî sitargehê cinîyan ra ameye berdene û qezaya Kanîreşî ya Çewlîgî ameye qetilkerdene.

	&nbsp;

	Zeynep Topala 27 serrî ke timî raştê şîdetê sîstematîk yê camêrdo ke ci reyde zewecnayebî Osman Topalî ameyêne, hetê no şexsî ra bi zorî sitargehê cinîyan ra ameye berdene û qezaya Kanîreşî ya Çewlîgî ameye qetilkerdene. Zeynepe şîdeto ke Osman Topalî ra vînayêne vera 2 aşme verê Çewlîgî ra şîbî Stenbol û ewja de muracatê Qereqolê Polîsan yê Sultanbeylî kerde. Badê muracatî Zeynepe sitargehê cinîyan de ameye bicakerdene. Camêrdo bi nameyê Osman Topalo ke adresê sitargehê Zeynepe musa şî sitargeh û Zeynepe bi zorî berd Çewlîg.

	&nbsp;

	Cenazeya Zeynepe vîzêr saetanê şewe de Sîteya Sanayî ya taxa Turgut Ozalî de ameye vînayene. Cenaze wedarîyaye morgê Dezgeyê Tibê Edlî (ATK) yê Çewlîgî û badê gureyê otopsî do cenaze dewa qezaya Kanîreşî ya Kaynakî de bêra definkerdene.

	&nbsp;

	Ame zanayene ke kerdox Osman Topal û 2 kesê bînî ameyî destbendkerdene.

	&nbsp;

	Derheqê qetilkerdiş Zeynepe de tehqîqat dîya destpêkerdene.&nbsp;

	&nbsp;