
Avûkata ke îşkence belge kerd ci rê îfade ame ferzkerdene 

2020-07-07 13:12:27


	&nbsp;

	AMED - Aktîvîsta TJAyî Sevîl Rojbîn Çetîna ke Amed de ameye destbendkerdene û dima ra bi îşkence rî bi rî mende, berdî Mêrdîn. Avûkat Gulîstan Ataşa ke îşkenceyê Rojbîne bi belgeyan ramojna zî şubeyê TEMî de bi sifatê ‘gumanbar’ îfade ci rê ame ferzkerdene.

	&nbsp;

	Aktîvîsta TJAyî û endama Heyetê Îdarekarîyê Herême ya Demokratîke Rojbîn Sevîl Çetîna ke 26ê hezîrane de sereştişê keyeyî de îşkence dir rî bi rî mende bî, 10 rojî yo ke destbendkerde ya. Avûkat Gulîstan Ataşa ke şî serdayîşê Rojbîne, îşkence bi fotografan kerd belge. Dimayê ke Gulîstane îşkence teşhîr kerd dima ra Şubeyê TEMyî Amedî waşt îfadeyê Gulîstane bigîro.

	Gulîstane derheqê îşkence û dimayê ci qisey kerde.

	&nbsp;

	‘Muwekîla mi mi ra remnayî’

	&nbsp;

	Gulîstane dîyar kerde ke 27ê Temmuze de muwekîla aye Rojbîne sewqê edlîye ameya kerdene û o wext verê Rojbîne de bîya û vat: “Bedenê aye de rêçê îşkenceyî estbî. Ez bi teredut a ke îşkence raporê nêweşxaneyî de yeno vînayene yan ney. Nêeşkayîne rayîra şoro. Seba lawabo paştdayîş waşte. Ez aye dir şîya. Rêçê îşkenceyî ramojna mi. Mi zî îşkence kerd belge. Seba serdayîşê sucî belgekerdene îşkenceyî girîng o. Mi suc dî. e. Polîs, seba antişê fotografê mi dir munaqeşe kerd û muwekîla mi verê mi ra remnayî.”

	&nbsp;

	‘Emnîyet de hewl dayî ke îfadeyê mi bigîrê’&nbsp;

	&nbsp;

	Gulîstane dîyar kerd ke verê edlîye de amîrê şubeyê TEMî şîyo verê aye û vato ke 'do derheqê to de cigêrayîş bêro dedtpêkerdene’ û vat: “Mabêne de di saetî derbaz muvekîlêk xo ya bîn şîya TEMî. Uca de mi geyrayî û vatî, ganî ti îfade bidê. Mi vat, ez TEM de ya û amîrê TEMî ame vat, serê talîmatê dozgerî ganî îfade bide. Mi vat, seba çi îfade yeno girewtene. Vat derheqê çîyê ke ewro yenê ciwîyayîş de. Mi vat, ‘ez gumanbar a?’ û ey zî vat, 'do bi sifatê gumanbar îfadeyê to bêro girewtene.’ Mi vat talîmatê dozgerî bibo ez wazena bivînê, ancax dozgerî eşkeno îfadeyê mi bigîro.”

	&nbsp;

	Gulîstane wina peynî ard: “Mi îşkenceyê Rojbîne ameyo kerdene tespît kerdene. Yew wezîfeyê avûkatan zî oyo ke îhlalkerdişê heqî tespît bikerê. Sucêke bibo wezîfeyê avûkatan oyo ke biresno mercîyê têkildar. Ganî derheqê gumanbaran de zî tehqîqat bêro destpêkerdiş.”

	&nbsp;