‘Ganî cinî bivejîyê wareyan’ 2020-06-24 15:42:49   MERKEZÊ XEBERAN - JKŞyî hêrişê ke Kobanî de ame kerdene bi hewayêko şîdet şermezar kerd û veng dayî cinîyan ke vejîyê wareyan.   Vera hêrişê dewa Helîncî yê Kobanî ke hetê dewleta tirkî ra bi teyareyê bê merdiman (SÎHA) ame kerdene û netîce de endamê Koordînasyona  Herêma Firatî  Zehra Berkel û Hebûn Mele Xelîl zî tede 3 cinî ameyî qetilkerdene û vera nê Cinîyanê Şorişgêr û Komunîst (JKŞ) reaksîyon ramojna. JKŞ eşkarîye de derheqê babete de wina vat: “Do dewleta tirkî hesabê hêrişê serê cinîyan bida.”   Eşkarîyeya JKŞ ke hêrişî bi şîdet şermezar kerd dewam de wina ya: “Dewleta tirkî, nê hêrişan bê hêzê emperyalîstan nêeşkena bikera. Sere de Rusya heme hêzê mîyanneteweyî hemkarê nê qirkerdişî yo.”   ‘Ganî cinî vejîyê wareyan’   Cinîyê JKŞyî eşkerayîye de dîyar kerdî ke bi hêrişan cinîyan hedef gênê destkewtişê cinîyan çin o û wina vat: “Nê hêrişî hemverê pêro cinîyan ameyî kerdene. Ma veng danê pêro cinîyan ke vera nê hêrişan vejîyê wareyan. Dewleta îşxalkerdoxe do hesabê nê sucan bido.”