'Ma do bi rêxistinbîyayîş cewab bidê hêrişan' 

2020-06-23 15:03:19


	 

	WAN - Endama Meclîsê Cinîyanê Ciwanan ê HDPyî Buşra Kuyune, dîyar kerde ke îqtîdar rêxistinbîyayîşê cinîyanê ciwanan ra terseno û vat: "Bi taybet Kurdistan de bi polîtîkayanê şerê taybet verê xo danê cinîyanê ciwanan. Ma do hemverê hêrişan her ware de xo birêxistin bikerê."

	 

	Endama Meclîsê Cinîyanê Ciwanan ê Meclîsê Partîya HDPyî Buşra Kuyune teda û zordarîyê serê ciwanan ercna. Buşra da zanayîş ke îqtîdar seba rêxistinbîyayîşê ciwanan ra terseno, ciwanan keno hedefê hêrişan.

	 

	Buşra dîyar kerde ke têkoşînê ciwananê rêxistinkerde yeno manaya averşîyayîşê komelî û wina va: "Eke ciwanî bi rêxistin bê do peynîya AKP û MHPyî bîyarê. Prosesê vîrûsî de xeylêk ciwanê ke îqtîdar rexne kerdî, ameyî destbendkerdene. Xeylêk ciwanî zî ameyî remnayene û sîxurtî înan rê ame ferzkerdene. Ciwanî seba problemê ke ciwîyayî hewl dayî ke întîxar bikerê. Îqtîdar bi pêroyî bêomidî ciwanan rê ferz keno."

	 

	'Vatişê îqtîdarî rastî nêmojneno ra'

	 

	Buşra dewam de wina vat: "Cinî semedo ke rayber ê, awankerdox ê û bi hêzê xo her wext benê hedefê îqtîdarî. Rewşa ke Wan de yena ciwîyene na ya. Her wext çalakî, bername yenê qedexekerdene. Cinî wexto ke vejîyê kuçeyan, bi hêrişê hêzê asayîşî dir yenê rî bi rî. Reyna prosesê peyîn de Wan de xeylêk cayê kiştişê cinîyan û întîxarî zêde bî. Îqtîdar îdia keno ke nê prosesî de şîdetê serê cinîyan kêm bîyo. Tu vatişê îqtîdarî rastî nêmojneno ra."

	 

	'Faşîzmêko komel de yeno ferzkerdene esto'

	 

	Buşra dîyar kerde ke nê caardişî polîtîkayê şerê taybetî yê û wina va: "Bi taybet Kurdistan de hemverê cinîyanê ciwanan polîtîkayê şerê taybet yenê kerdene. Vindîkerdişê Gulîstan Dokuye ra bigîrê, heta remnayîşan faşîzmêk komelî rê yeno ferzkerdene. Êyê ke hemverê nê vejîyenê zî yenê tehdîdkerdene.”

	 

	Îqtîdarî rayîr verê kiştişê cinîyan akerd'

	 

	Buşra tewr peyîn wina qal kerd: "Pandemî de stargeh ameyî padayîş û cinîyan eşrawitî keyeyê înan. Bi qanûnê înfazî dir gumanbarî serbest ameyî veradayene. Îqtîdar îmza eşt kiştişê newe ê cinîyan. Meclîsê Cinîyanê Ciwanan vera nê startê kampanyayêk newe da. Ma do her ware de xo rêxistin bikerê. Ma do têkoşînê xo girs bikerê û peynîya faşîzmê AKP-MHPyî bîyarê."