'Prosesê pandemî de muracatê şîdetî zêde bi' 

2020-06-23 14:33:00


	 

	AMED - Avûkata OHDyî Seda Zengîne dîyar kerde ke prosesê vîrusî de seba şîdet û îşkenceyê polîsan muracatî zêde bîyê û wina vat: "Yê ke îşkence kenê zî cesaret gênê. Hêzê asayîşî seba ke înan rê heqê ke yenê dayene, xo sey hukmî vînenê û goreyê nê têgeyrenê.

	 

	Tirkîya de prosesê pandemî de şîdetê polîsan zî zêde bi. Amed, Stenbol, Tekîrdag, Mêrdîn û xeylêk bajarê bînî, şîdetê polîs û nobedaran ame rojeve. Amed de metodê îşkenceyî hemverê M.E.C yo ke amebi destbendkerdene kerdî. Goreyê raporê Weqfê Heqê Merdiman ê Tirkîya mabêne 11ê adare û 11ê gulane de ameyo amadekerdiş de bi sebebê goreyê tedbîran tênêgeyrayî 61 kesî rastê şîdet, îşkenca polîs û nobedaran ameyê. Komeleyê Huqûqnasê seba Azadîye (OHD) avûkat Seda Zengîne polîtîkayê şîdet û bêcezabîyayîşî ercna.

	 

	Seda dîyar kerde ke goreyê qedexeyê îşkence û caardişê xeraban, têbigeyrê û vat rewşa babeta vatişî de ganî derheqê heme wezîfeyê îstîmlakî de cigêrayîş bêrê kerdene û vat: "Xeylêk metodê sey muhakemekerdişê adîlane, heqê ciwîyayîşî û pawitişî yenê îhlalkerdene. Serê hedîseyan yenê padayene. Coka zî caardişê îşkence û nêbaşî zêde benê."

	 

	'Îşkenceraî cesaret gênê'

	 

	Seda dewam de wina va: "Îşkence, netîceyê heqê seba hêzê asayîşî ameyo dayene yo. 18ê hezîrane de caardişê nobedaran ame hîrakerdene. Nê hêzî seba caardişanê hîra, xo sey mercîyê hukmî vînenê û nê gore têgeyrenê. Welatê ma de sîstemêko heqê merdiman bêpar ca yeno."

	 

	'Muvekîlê mi rê derb, heqaret û îşkence ameyo akerdene'

	 

	Seda dewam de wina va: "Welatî kuçeyan de bê sînor yenê derbkerdene. Çar hepsî zîndanê Êlihî ardê Zîndanê T4 ê Amedî. Keyeyê înan muracat kenê. Rojê vîyarte de şewa 31ê gulane de taxa Îskenderpaşayê Sûrî de, muvekîlê mi û embazê xo rastê îşkence û derbkerdişî ameyê. Muvekîlê mi û embazê xo ameyê vindarnayene û kontrolkerdene. Rastê îşkence, tehdîd û heqeretan ameyê. Ma muracatê sucî kerd."

	 

	Seda tewr peyîn qiseykerdişê xo de bale ante serê muracatê ke kenê û arde ziwan ke seba muracatê ke yenê kerdene ganî bi lez cigêrayîş bêrê kerdene û vat seba nê hewl danê.