Heyetê HDPyî bi sloganan Amed ra ameyî oxirkerdene 

2020-06-19 15:10:16


	 

	AMED - Rayraşîyayîşê Demokrasîyî yê HDPyî dewam keno. Beşdarê rayraşîyayîşî Amedî ra kewtî rayîr û verê xo dayî Adana. Polîsan hewl da ke beşdaran asteng bikerê la nêeşkayî.

	 

	Rayraşîyayîşê Demokrasîyî yê Partîya Demokratîke ya Şaran (HDP) dewam keno. Perrê Colemêrgî rayraşîyayîşî xo yê Amedî qedîna. Endamê partîye û wekîlî seba ke rayraşîyayîş dewam bikerê vejîyayîşê şaristanî de kom bîyî.

	 

	Nêverdayî hemweletî verê petrol de kom bibê

	 

	Parlementeran waşt ke bi hawayêkê komkîyî fotograf bigêrê la polîsan xîret kerd ke asteng bikerê. Parlementeranê HDPyî nêrazîbîyayîşê xo mojna la polîsan dormeyê înan girewt. Polîsan nêverda ke çapemenîye dîmenan qeyd bikera û parlementeran zî pê çepikan no şermezar kerd.

	 

	Parlementerê HDPyî pê çepik, tilîlî û sloganê 'Biciwîyo Xoverdayîşê HDPyî' ameyî raştkerdene. HDPyîjan verê xo da Adana.