
'Seba ke ma modelê Rojawanî Rojhelato Mîyanên de vila bikerê ma wareyan de bê' 

2020-06-19 13:43:08


	&nbsp;

	WAN - Temsîlkara hemsereka pêroyî ya ESPî Beycan Taşkirana ke rayrayîşê demokrasî hemverê darbeyî de ca gêna, dîyar kerde ke do vera hêrişan, seba modelê Rojawanî pêro Rojhelato Mîyanên de vila bikerê, wareyan de bê.

	&nbsp;

	HDPyî hemverê hêriş û tedayê wextê peyînan zêde bîyê, 15ê Hezîrane de ‘Rayrayîşê demokrasî hemverê darbe' da destpêkerdene. Temsîlkara hemsereka pêroyî ya ESPyî Beycan Taşkirane heyeto ke Colemêrg ra kewt rayîr ca gêna, çîyê ke rayrayîş de ciwîyaya qalî kerde.&nbsp;

	&nbsp;

	Beycane dîyar kerde ke prosesê vîrusî de binê nameyê ‘normalbîyayîşî de’ prosesê faşîzmî ameyo destpêkerdene û vat: "Betalbîyayîş, feqîrî, şîdetê serê cinî û hêrişê hemverê heqê Kurdan, goreyê ma normalkerdişê polîtîkayê îşxalkerdişî yê. Tirkîya bi krîzêko cidî yê ekonomî, sîyasî dir rî bi rî ya. Vera nê krîzê rojane, HDPyî rayîrêko newe, polîtîkayêko newe dîyar kerd."

	&nbsp;

	'Ma bi horono ke Wan de kerd her çî vat'

	&nbsp;

	Beycane bale ante serê yewîye û tevgerê pîy aû vat: "Ma veng danê pêro şaran, şarê Tirkîya û şarê Kurdistanî kenê; bi horono ke ma Wan kay kerd, seke HDPyî ma ramojna ma çî yê. Ma tena kurd nîyê, tena ermenî nîyê, ma laz û çerkezî yê. Tirkîya û Kurdistan de çi bibo ma ê yê."

	&nbsp;

	Beycane bale ante serê hêrişanê TSKyî hemverê Wargehê Mexmur, Şengal û Qendîlî û vat: “Seba tersê xo, eynî şewe hemverê Qendîl, Mexmur û Şengalî de hêriş kerdî. Hewl dayî ke bi lezgînî rojeve bivurnê. Seba ke no hewceyêk bi. Feqîrîye girs bîya, şar bedelê giranan dano. Karkerî bedelê giranan danê. HDP vano bêrê 'ma pîya çareser bikerê' ma pîya rayrayîş bikerê. Ma bê çare nîyê.' Seba nê operasyon kerdî. Coka ma vînenê ke ma çîyê, ma sempatî, bendewarîyê şarê xo her ca de dî. Ma qerardayîşê cinîyan û şarê Kurdî bi hewayêko zelal dî."

	&nbsp;

	'HDP bi pratîkê xo nêçareserîyê îqtîdarî da werte'

	&nbsp;

	Beycane tewr peyîn wina vat: "Prosesê pandemî de heqê karkeran ame îhlalkerdiş. Bi seyan kesî seba vîrusî cuya xo vindî kerd. Dîlok de karkerî 12 saetî mecbûr manenê bixebityê. Rojhelato Mîyanên de hewcedarî bi têkoşînêko hempar esto. Hemverê nê îhlalkerdişê heqan, hêriş û tedayê hemverê şarê Tirkîya, ganî modelê Rojawanî heme Rojhelato Mîyanên de bêro vilakerdene. Seba nê zî ma mecbûrê têkoşîn bikerê."

	&nbsp;