Meral Daniş Beştaşe: Polîtîkayê çinkerdene dewre de yo 

2020-06-17 16:01:59


	 

	ENQERE - Serekwekîla Koma HDPyî Merale Daniş Beştaş pare kerd ke rîyê AKP-MHPyî yo raştikên eşkera bi û îfade kerd ke ê do nêeşkê HDP qels bikerê.

	 

	Serekwekîla Koma HDPyî Merale Daniş Beştaş derheqê Rayraşîyayîşê Demokrasîyî yê HDPyî de kombîyayîşêkê çapemenîye kerd. Wekîlanê HDPyî pêro kincê ke serê ci de 'Ma pêro pîya' nuştêne, dayî xo.

	 

	'Ma her cayê Tirkîya de yê'

	 

	''Rayraşîyayîşê Demokrasîyî hem seba batalkerdişê wekîlîyan hem zî seba tayînkerdişê qeyûman û embazanê ma yê tepişteyan o. Pêro medyaya îqtîdarî derheqê rayraşîyayîşê ma de nîqaş kena ma hukm kena. La heqê qiseykerdişî nêdana ma. Ma nê tewirê îqtîdarî qebul nêkenê. Ma tîya de yê. Nika ra pey ma do seba RTUKî muracat bikerê. Ma do gerreyê sûcî bikerê.

	 

	'Seba rayrayîş bêro astengkerdene qedexeyî ameyî îlankerdene'

	 

	16 şaristanan de rayraşîyayîşê ma ame astengkerdene. Seba ke ma rîyê înan rê raştikênî nêmojnê rayraşîyayîşê ma asteng kenê. Coka şaristanan de qedexeyî îlan kerdî. Ma seba her kesî rayîrî ra şinê.

	 

	Ma sey perrêkê rayraşîyayîşî Anqara û Meclîs de yê. Ma do têkoşînê xo pîl bikerê. Îqtîdar seba ke rojdem bivurno hêrişê Mexmûrî keno. Tirkîya her tim teberê sînorî de operasyonan kena. Polîtîkaya ci tewr zaf zerar dana Tirkîya.''