
Rayraşîyayîşê Demokrasîyî dewam keno 

2020-06-17 15:58:07


	&nbsp;

	WAN - Beşdaranê 'Rayraşîyayîşê Demokrasîyî' yê HDPyî Wanî ra verê xo da Bedlîsî. Hemsereka Pêroyî ya DBPyî Salîha Aydenîz vat: ''Heta ke faşîzm biqedo ma do xo ver bidê.''

	&nbsp;

	'Rayraşîyayîşê Demokrasîyî' yê Vera Darbe' yo ke HDPyî Edîrne û Colemêrgî ra ver bi Anqara da destpêkerdene, dewam keno. Perrê rayraşîyayîşî yê Colemêrgî resa Wan û 2 rojî yo ke tewrê bernameyanê şaristanî beno. Beşdarî ewro zî şîyî Bedlîs. Endamê partîye bînaya HDPyî ya Wanî de kom bîyî û pankarta bi nuşteyê 'Ma pîya' akerde û eşkerayîye daye.

	&nbsp;

	'Ma hêrişê vera Mxmûr û Şingalî şermezar kenî'

	&nbsp;

	Hemsereka Pêroyî ya DBPyî Salîha Aydenîz pare kerd ke ê Colemêrgî de bi coşêkî ameyî pêşwazîkerdene, heman coş Wan de zî bi. Aydenîze vat: ''Rayraşîyayîşê ma do hêz bido demokrasî û ma Bedlîsî ra dima do biresê Amed. AKP û MHPyî pê bahaneya Korona wazena rayraşîyayîşê ma vindarnê. Derdê înan Korona nê, tersê demokrasîyî yo.

	&nbsp;

	Ma hêrişê vera Mexmûr û Şingalî şermezar kenê. Îqtîdar şer û faşîzm de israr keno û demokrasî, azadîye û têdûştîye ra terseno. Rayraşîyayîşê ma do heta Anqara dewam bikero û 20ê hezîrane de biqedo. Rayraşîyayîşê ma seba awanîya demokrasîyî yo.Heta ke faşîzm biqedo rayraşîyayîşê ma do dewam bikero. Her ke ma demokrasî de israr kenê, ê zî şer de israr kenê. Ganî şarê Tirkîya vera faşîzmî pîya têbigêrê. Ma reyna Wanî rê sipas kenê.''

	&nbsp;

	Beşdarî pê tilîlî û çepikan ameyî raştkerdene. Beşdarê rayraşîyayîşî gêrayîşê zereyê şaristanî ra dima do şorê Bedlîs.

	&nbsp;