Muzîkjen Aysel Borak: Ma wayîrê kulturê xo vecîyê 

2020-06-17 15:37:14


	 

	WAN - Aysel Borake ke xeyalê xo yê domanîye bi ca ard, dîyar kerde ke Eyşe Şane nimûne girewtî û vat: "Ganî ma kultur û hunerê Kurdan dewam bikerê. Ganî ciwanî zî wayîrê adetan vejîyê."

	 

	Dengbêjîya ke bi rayberîya cinîya Kurdî dest pêkerd, bi têkoşînê hunermendê seke Eyşe Şan û Meryemxanî heta ewro ame. Cinîyê vera zîhnîyetê serdestî yê camêrdan bi deyîranê xo cewab dayî, seba îdareyê xo yê zî bî îlham. Aysel Borake zî domanîya xo ra muzîk ra hez kena la her wext hetê keyeyî ra yena astengkerdene. La Aysele pey xeyalê xo şîya û fek vera nêdaya.

	 

	'Mi vera keyeyî têkoşîn kerd'

	 

	Keyeyê Aysele vera tedayê dewlete û veşnayîşê dewa înan, Colemêrgî ra koçê Wanî kenê û dima ra zî mecbur manenê Stenbol de bi ca bibê. Aysele 10 serrîya xo de beşdarê koroya domanan ê NÇMî bena. Aysele dimayê lîseyî beşdarê Konservatuarê Dewlete ya Unîversîteya Stenbolî bena û 10 serrî yo bi muzîkê dir eleqedar bena. Aysele qalê zor û zehmetîyan ê wextî kerd: "Seba ez cinî bîya, zaf probleman ciwîyaya. Dayîka mi keyeyêk pîl ra ameyne. Her wext vatêne, 'cinî deyîran nêvanê, goreyê eşîra ma nîyo, ma domanê axa yê, tornê axa yê.' Mi vera dayîk û 7 birayê xo têkoşîn da. Seba ke dayîke û birayê mi wina musabî."

	 

	'Mi gîtarê xo bi nimte berdêne keye'

	 

	Aysele wina vat: "Embazê mi vanê, to Eyşe Şana seserra 21ê awan kerd. Ez keyeyê xo ra nimte şîya qursê NÇMyî. Mi şîyayîşê mektebe xo kom kerd û gîtarêk girewt. Mi nimte gîtar berdêne keye. Mi defterê muzîkî nimte. Wextê ke derg wina derbaz bi. Dima ra mi dî ke wina nêbeno, ez rojêke bi gîtarê xo şîya zere. Bêguman nêwaştî. Vatî goreyê to nîyo, gunay o. La vera ke mi têkoşîn da çîyêk nêkerdî."

	 

	'Seba mi bi erj o'

	 

	Aysele dewam de va ke keyeyî ra paştdayîş dayê ci zî bîyê û wina vat: "Keye tesîrêko pîl o. Mi zanayîne ke çîyê ke ez kena bi erj ê. Kulturê Kurdî, muzîkê Kurdî seba mi girîng o. Ganî seba muzîka Kurdî her ca de bixebityê. Ganî ma her ware de bê."