Rayîrê ke şî azadîye de pirda adirî: Sema Yuce 

2020-06-17 14:49:36


	 

	Sema Yuce, 21ê Adara 1998 de adir vera da bedenê xo û 17ê Hezîrana 1998î de dinyaya xo bedilna. Xoverdayîş, omid û adirê azadîye ya zerreyê ci de 8ê Adare ra heta 21ê Adare bî pirda adirî. Bi çalakîya xo ya 21ê Adare de bi ca ard, komploya mîyanneteweyî ya hemverê Kurdan da ramojna û hemverê nê bi îradeyê cinîya xurt bî cewab.

	 

	Sema Yuce (Serhildan-Leyla) ke yew sembola tarîxî yê cinîyanê Kurdan a, 1971 de dewa Aşagi Kargali ya Tutakî ya Agirî de ameye dinya. Ruhê xo yê xoverdayîşî keyeyê xo yê serewedaritişê Agirî rê rayberî kerdib, girewta. Sema, domanîya xo de hetê derûdorê xo ra bi jîrbîyayîş, cigêrayîş û îtîraz û vera nêheqîyan bale anta. Seba nê taybetîyanê xo keyeyê ci seke Leyla Qasime xîtabê aye keno.

	 

	Sema heta unîversîte Agirî de wanena, 1989 de beşê komelnasî yê ODTUyî qezenc kena û şona Enqere. Tîya de wendekaranê welatparêzan nas kena û xebata ciwanan ê YCKyî de ca gêna. Sema 1991 de fek unîversîte ra vera dana û beşdarê Tevgerê Azadîye bena.  

	 

	Sema ke beşdarê têkoşînî bena, hetê xo yê komelî û merdimayî seferber kena û serê hewcedarîyê proses û wextê kûr bena û hewl dana ke her çî fam bikero. Serê babetanê seke ‘cinîya Kurd kam a?', 'ca û rolê cinî çi yo?' bi taybet vindena û na babete de xo aver bena. Agirî de netîceyê îxbarêk de ameye destbendkerdene û serê ci de xêrcê çend notan tu çîyêk nêame vînayene. Wextêko derg cigêrayîş û îşkence de manena û dima ra yena tepiştene. Dadgehe 22 serrî cezaya giran ci rê birnena û erşawenê Nevşehîrî û uca ra zî erşawenê zîndanê Çanakkaleyî.

	 

	Sema, 21ê Adara 1998 de bedenê xo dana verê adirî û 8ê Adare ra heta 21ê Adare bî pirda adirî. Sema 80 rojî zîndan de ameye dermankerdene. Rewşa aye ver bi başî şîyîne la 17ê Hezîrane de dinyaya xo bedilnaya.

	 

	Serrê vîyarte de seba vîrardişê Sema Yuce, Bazidê Agirî de Merkezê Ercnayîşî Cinîyan ê Sema Yuce ame akerdene û dimayê tayînkerdişê qeyûman 2017î de ame padene.